Dunyo bo‘ylab eng yaxshi jamoat transporti tizimiga ega shaharlar reytingi e’lon qilindi. Bu haqda “Jahon iqtisodiy forumi” saytida xabar berildi.
Tadqiqot davomida dunyoning 60 ta yirik shaharlarining transport tizimlari oʻrganildi. Bunda jamoat transportining mavjudligi, bekatlar, stansiyalar, shuningdek, shahar elektrichkalari uchun temiryo‘l infratuzilmasi kabi mezonlar hisobga olindi.
Dunyodagi eng yaxshi jamoat transporti tarmog'i Gonkongda bo'lib, 100 dan 77 foiz ball olgan. Syurix ikkinchi, Stokgolm uchinchi o'rinni egallagan. Reytingda eng oxirgi o‘rinlarda Ar-Riyod (57-o‘rin), Nayrobi (59-o‘rin) va Jidda (60-o‘rin) joylashgan.
Top o‘ntalik:
- Gonkong
- Syurix
- Stokgolm
- Singapur
- Xelsinki
- Oslo
- Parij
- Berlin
- London
- Tokio
Mutaxassislarning ta’kidlashicha, jamoat transporti tarmog‘ining rivojlanish darajasi fuqarolarning turmush tarziga jiddiy ta’sir qiladi. Koronavirus pandemiyasi shahar transportiga katta tasir koʻrsatgan, chunki koʻpchilik undan foydalanish o‘rniga, shaxsiy avtomobil yoki onlayn ishlashni tanlagan.
Agar bu yo‘lovchilar qaytarilmasa, transport kompaniyalarining daromadi kamayadi, bu esa xodimlar qisqarishiga va ko‘rsatilayotgan xizmatlar darajasining pasayishiga olib kelishi mumkin.
Mavzuga doir: Dunyoda qayta tiklanuvchi energiya bo‘yicha yetakchi bo‘lgan 11 ta davlat
Izoh (0)