Ba’zan qiyin damlarda o‘zingizni yaxshi his qilishingiz uchun yaxshi film tomosha qilish ham yetarli bo‘ladi. Hayotsevarlik tasvirlangan quyidagi 7 ta filmni tomosha qiling, ulardan ba’zilari real voqealarga asoslangan.
“Quyosh ortimda botmaydi” (2015)
Nima haqida:
Bu oxirzamondagi do‘stlik haqidagi hikoya, unda yosh bloger stories suratga oladi, qo‘shnisi — keksa odam bilan tanishadi va keyin ... faqat bir kun yashaydi.
Nega ko‘rish kerak?
Ajoyib va ta’sirli film. Bu hikoyada yomon qahramonlar yo‘q, sodir bo‘layotgan hamma narsa ajoyib va samimiylikka qurilgan.
“Stajyor” (2015)
Nima haqida:
Nafaqaga chiqqan qahramon onlayn kiyim do‘konining rahbariga haydovchi sifatida stajyor bo‘lib ishga joylashadi.
Nega ko‘rish kerak?
Oddiy odam haqida film. De Niro qahramoni o‘z cheklovlarini tan oladi, lekin to‘xtamaydi, balki harakat qiladi. Yangi narsalarni o‘rganadi va boshqalarga oddiy va tushunarli haqiqatlarni o‘rgatadi. “Stajyor” filmi dam olish va yaqin atrofda qo‘llab-quvvatlashga tayyor bo‘lgan odam borligini eslatish imkoniyatini beradi.
“Jerri va Marj tavakkaliga o‘ynaydi” (2022)
Nima haqida:
Amerikada yashovchi ikki nafaqaxo‘r lotereya yutib olish yo‘lini bilib olishadi. Shu bilan ularning munosabatlari mustahkamlanadi, birga vaqt o‘tkazishga yordam beradigan yo‘lni topishadi. Keyin esa xuddi shu tarzda ular boshqalarga ham yordam bera boshlaydilar.
Nega ko‘rish kerak?
Dramatik holatlar uchramaydigan ajoyib film, unda yomon qahramonlar yo‘q. Qahramonlar o‘zlariga g‘amxo‘rlik qilib, keyin boshqalarga ham yordam berishadi — real voqeaga asoslangan — bunday sujetlar kino sanoatida ko‘p uchramaydi.
“Katta firibgarlik” (2013)
Nima haqida:
Uzoq oroldagi baliqchilar shahrining o‘z shifokori bo‘lmasa, shaharcha yopilishi bilan tahdid qilinadi. Natijada aholi hiyla-nayrang bilan yosh shifokorni shaharga olib kelishga qaror qiladi
Nega ko‘rish kerak?
Samimiy va maza qilib tomosha qilinadigan film. Voqealar rivojini kuzata turib, shahar aholisiga yordam bergisi keladi odamning. Tomoshabin ular uchun hammasi yaxshi tugashiga umid qiladi.
“Mo‘jiza” (2017)
Nima haqida:
Har doim ota-onasi bilan birga bo‘lgan, faqat skafandrda ko‘chaga chiqqan, yuzida tug‘ma nuqsoni bo‘lgan bola oddiy bolalar bilan maktabga boradi va boshqalar bilan birga bo‘lishni o‘rganadi.
Nega ko‘rish kerak?
Samimiy va ta’sirli kino. Muhim jihat shundaki, sujet nafaqat bolaning boshidan kechirgan voqealarga qaratilgan, balki bunday bolaning ota-onasi va singlisi qanday yashayotganini ham ko‘rsatadi. Bolakayga do‘stlari qanday munosabatda bo‘lishadi va o‘zini qanday tutishadi? Bu yerda ortiqcha drama yo‘q, ko‘proq ijobiy tomonlarga urg‘u beriladi.
“Muallifsiz ish” (2018)
Nima haqida:
Urushdan keyingi Germaniyadagi rassomning hikoyasi, u kundalik hayotda ko‘plab cheklovlar mavjud Sharqiy Germaniyadan G‘arbiy Germaniyaga qochib, u yerda ijod qilish imkoniyatiga ega bo‘ladi.
Nega ko‘rish kerak?
Film voqealari asta-sekin rivojlanadi, rejissor xuddi rassom mo‘yqalami bilan ishlagandek tomoshabinga Ikkinchi jahon urushidan qutulgan mamlakat hayotini tasvirlaydi. O‘tgan asrda sodir bo‘lgan voqealarni san’at prizmasi orqali qayta ko‘rib chiqish uchun imkoniyat beradi.
“Shamolni quvib” (2019)
Nima haqida:
Jamiyatning qarshiligiga qaramay, bosh qahramon asosiy ot sporti turnirida g‘olib chiqadi.
Nega ko‘rish kerak?
Umid baxsh etuvchi film. Orzularingizga intilish va erishish uchun eslatma bo‘lishi mumkin bo‘lgan hikoya. Muvaffaqiyatga erishish yo‘lida yetarlicha qat’iyatlilik, o‘zingizga ishonish va muvaffaqiyatsizlikka uchragan holatlardan saboq olish kerak. Sport musobaqalari muhiti ham ajoyib tarzda yetkazilgan.
Mavzuga doir:
- Aktyorlar tomonidan improvizatsiya qilingan va kartinaning kult sahnasiga aylangan mashhur filmlardagi kadrlar (video)
- Ularning hech biri 40 ga ham kirmagan edi: sirli tarzda vafot etgan Gollivud yulduzlari (foto)
- Jonni Depp “Karib dengizi qaroqchilari” filmiga qaytmoqda. Lekin osonlik bilan emas
- “Garri Potter” muxlislarining jiddiy savollariga sabab bo‘lgan filmdagi ba’zi kadrlar (foto)
Izoh (0)