Aktyorlar tomonidan improvizatsiya qilinadigan kadrlar har doim ham muvaffaqiyatsiz chiqib, kesib tashlanmaydi — ba’zida ular hatto kultga aylanishi mumkin.
“Qasoskorlar”
Kichik Robert Dauni suratga olish maydonchasiga yashirincha ovqat olib kelaveradi, u buni shunchalik ko‘p qiladiki, rejissorlar aktyor bilan doimiy kurashish o‘rniga, ular Temir odamning yo‘lda ovqatlanish odatiini sujetga kiritishadi. Balki “Qasoskorlar”ning birinchi filmida Toni Stark dunyoni o‘zga sayyoraliklar bosqinidan qutqarganidan keyin yemoqchi bo‘lgan shaurmasiz film qiziqarli bo‘lmasmidi?
“Titanik”
“Titanik”ning tumshug‘ida turgan Jek Dousonning “Men dunyo qiroliman!” deb qichqirgan sahnasi Leonardo Di Kaprio tomonidan butunlay improvizatsiya qilingan.
“Xobbit”
“Xobbit” filmidagi Gendalfning boshini tinimsiz nimagadir urvolishi ssenariy bo‘yicha ataylab qilinmagan. Lekin bu holat shunday tabiiy ko‘ringanki, bunday epizodni filmga kiritishga qaror qilishadi.
“Indiana Jons: Yo‘qolgan kema izidan”
“Indiana Jons: Yo‘qolgan kema izidan” filmidagi jang sahnasi butun kartinadagi eng epik voqea bo‘lishi kerak edi. Tayyorgarlik uchun deyarli uch oy vaqt ketadi, lekin suratga olish vaqtida dizenteriya (o‘tkir ichak infeksiyasi) bilan og‘rigan Xarrison Ford qamchini o‘ynata olmaydigan darajada holdan toygan edi, Stiven Spilberg esa dushmanni shunchaki otib tashlashni taklif qiladi va ular shunday qilishadi.
“Ozod Jango”
Kventin Tarantinoning “Ozod Jango” filmidagi Kelvin Kendining uyidagi mehmonlarga qarshilik qilgani esingizdami? Leonardo Di Kaprio qahramoni g‘azadan stolga urib, billur stakanni sindirib tashlaydi. Bu kadr aslida ssenariyda bo‘lmagan, shuning uchun aktyor rostan ham qo‘lini kesib oladi, lekin og‘riq va qo‘lidan oqayotgan qonga e’tibor bermasdan rol o‘ynashni davom ettiradi.
“Qora ritsar”
Kristofer Nolanning mashhur Betmen trilogiyasi ham improvizatsiyasiz qolmaydi. Joker kasalxonani portlatish uchun tugmani bosganda, bosish va portlash o‘rtasidagi kechikish ham ekipaj, ham aktyor kutganidan ancha uzoq davom etadi. Yaxshiyamki, Xit Lejer o‘zini yo‘qotib qo‘ymaydi, tugmachani qayta-qayta bosadi va kinodagi eng ajoyib sahnalardan birini taqdim etadi.
“Go‘zal ayol”
Juliya Roberts va Richard Gir o‘ynagan “Go‘zal ayol” filmidagi yoqut marjon sahnasi ssenariyda yozilmagan. Shuning uchun, aktrisa juda samimiy kuladi va futlyar qo‘li tegishi bilan yopilib qolganda chindan ham hayratda qoladi. Bu kadr shu qadar jozibali bo‘lib chiqadiki, montajda bu lahzani kesmaslikka qaror qilinadi.
“Cho‘qintirgan ota”
“Cho‘qintirgan ota” filmidagi Marlon Brandoni mushuksiz tasavvur qila olasizmi? Biroq mushuk bo‘lishi ssenariyda yozilmagan va kadrga o‘z-o‘zidan qo‘shilgan. Ba'zilar Brandoning o‘zi uy hayvonini tizzasiga qo‘yganini aytishsa, boshqalari bu rejissor Frensis Fordning qarori ekanligini ta’kidlaydi.
“Yog‘du”
“Jonni shu yerda!”, deb qichqiradi g‘azabga mingan Jek Nikolson “Yog‘du” filmida eshikni bolta bilan sindirar ekan (bu sahnada 60 ta eshik “sindirilgan” deyishadi). Shunday qilib, filmning tojiga aylangan bu ibora improvizatsiya natijasi va aktyorning o‘zi buni Jonni Karsonning mashhur kechki shousidan olganini aytadi.
“Model erkak”
Ben Stiller “Model erkak” epizodlaridan birida replikasini unutadi, shuning uchun Devid Duxovnining qahramoni nega modellardan seriyali qotillar sifatida foydalaniladi degan savoliga javob berayotganida, Derek Zulander (Ben Stiller o‘ynagan) xuddi shu savolni yana so‘raydi. Shu jumla bilan yana bir bor Derek Zulanderning aqlli emasligi ko‘rsatib beriladi va rejissorlar bu kadrni qoldirishga qaror qilishadi.
Mavzuga doir:
Jonni Depp “Karib dengizi qaroqchilari” filmiga qaytmoqda. Lekin osonlik bilan emas
“Garri Potter” muxlislarining jiddiy savollariga sabab bo‘lgan filmdagi ba’zi kadrlar (foto)
Izoh (0)