Qirolicha Yelizaveta 30 yildan beri kerak bo‘lganda almashtirish mumkin bo‘lgan rasmiy dublyoriga ega ekanini ko‘pchilik bilmaydi.
“Zaxiradagi qirolicha” Ella Slekni shunday atashadi, u 30 yildan ko‘proq vaqt davomida rasmiy tadbirlar mashg‘ulotlarida Yelizaveta II ning o‘rnini egallagan, chunki Buyuk Britaniya hukmdorining jadvali shunchalik tig‘iz ediki, hamma joyda o‘z vaqtida bo‘lishning iloji yo‘q edi. Kasallik yoki boshqa sabablarga ko‘ra Yelizaveta II u yoki bu joyda bo‘la olmagan taqdirda, uning rasmiy egizagi yordamga kelardi.
Tashqi ko‘rinishidan Ella Yelizavetaning to‘g‘ridan to‘g‘ri nusxasi deb aytib bo‘lmaydi, lekin ularni uzoqroq masofadan ajratib olish deyarli mumkin emas. Bo‘yi, gavda tuzilishi, soch turmagi va individual yuz xususiyatlari juda o‘xshash. Liboslar effektni yanada kuchaytiradi, Ella Buyuk Britaniyaning marhum qirolichasi bilan bir xil kiyinardi.
Ellaning ta'kidlashicha, u qirolichaning yaqqol egizagi emas, parametrlari bo‘yicha o‘xshash bo‘lgan dublyori.
Ella qanday qilib qirolicha bo‘lgan?
Slek o‘z unvoni bilan faxrlanadi. Intervyuda u jurnalistlarga orzu qilgan ishiga qanday erishganini aytib berdi.Bu BBC’da ishlayotganimda sodir bo‘lgan. Kenotaf (Buyuk Britaniya ishtirokidagi mojarolarda halok bo‘lgan barcha askarlar xotirasini abadiylashtirish uchun mo‘ljallangan yodgorlik – tahr.) uchun mas’ul bo‘lgan prodyuser oldimga kirdi. Uning so‘zlariga ko‘ra, qirolicha kenotafning yonida turganida, quyosh nurlari ko‘zlariga tushib, og‘ritganini aytibdi. Prodyuser mendan bu borada nima qilishimiz mumkinligini so‘radi, — deb eslaydi Ella Great Big Story mediakompaniyasiga bergan intervyusida.
Men qirolichaning joyida turishim mumkinligini aytdim. Hazrati oliyalarining ko‘ziga quyosh nuri tushmasligiga ishonch hosil qilishim mumkin, chunki bo‘yimiz bir xil. Rejissorlar 180 sm dan baland bo‘lgan erkaklar edi. Keyin ular muntazam ravishda repititsiyalarda qirolicha o‘rnida bo‘lib turishimni so‘rashdi. Men qirollik karetasiga chiqardim, London Tauergacha qayiqda sayohat qilardim, — deydi rasmiy dublyor.
Qirolicha o‘yini
Ella har yili may oyida bo‘lib o‘tadigan Parlament taqvimining asosiy tantanali tadbiri bo‘lgan Parlamentning rasmiy ochilishida ishtirok etgan kuni bilan ayniqsa faxrlanadi. Marosim Lordlar palatasida bo‘lib o‘tadi va qirolicha nutqini o‘z ichiga oladi.
Bu parlamentning rasmiy ochilishi edi. Menga hech qachon Lordlar palatasida taxtga o‘tirishga ruxsat berilmagan. Faqatgina uning yonida turishim mumkin. Agar qirolichaning karetasida yoki mashinasida bo‘lsam, qo‘limni silkitaman.Men ishtirok etgan tayyorgarlik jarayoni butun dunyoda efirga uzatilardi, millionlab odamlar tomosha qilardi. Asosiy dasturlarni ham tomosha qilaman, u yerda qirolichani ko‘raman, u uchun qilgan ishlarimdan faxrlanaman, — deb tan oladi Ella.
Qizig‘i shundaki, Slek Londonda emas, balki Irlandiya dengizida joylashgan aholisi 80 mingdan sal ko‘proq bo‘lgan kichik Men orolida yashaydi. Uning yashash joyi Angliya, Irlandiya, Shotlandiya va Uelsdan bir xil masofada joylashgan.
Bundan ham qizig‘i, Ella qirolicha sifatidagi “ishi” uchun bir tiyin ham olmagan. U shunday qarorga kelgan. Slek pul olishdan bosh tortadi, chunki u qirollik oldidagi burchini sharaf deb hisoblaydi. Afsuski, 2022-yil 8-sentabrda qirolicha Yelizaveta vafot etdi va Ella ham to‘satdan o‘z vakolatlarini yo‘qotdi.
Mavzuga doir:
Qirolichaning xaridi: Yelizaveta II nimani sotib olishda o‘zidan boshqa hech kimga ishonmagan?
Yelizaveta II ning har qanday ayolga qirolicha kabi ko‘rinishga imkon beradigan uslublari (foto)
Qirolicha Yelizaveta II saraton sababli vafot etgani ma’lum qilindi
Izoh (0)