Қиролича Елизавета 30 йилдан бери керак бўлганда алмаштириш мумкин бўлган расмий дублёрига эга эканини кўпчилик билмайди.
«Захирадаги қиролича» Элла Слекни шундай аташади, у 30 йилдан кўпроқ вақт давомида расмий тадбирлар машғулотларида Елизавета II нинг ўрнини эгаллаган, чунки Буюк Британия ҳукмдорининг жадвали шунчалик тиғиз эдики, ҳамма жойда ўз вақтида бўлишнинг иложи йўқ эди. Касаллик ёки бошқа сабабларга кўра Елизавета II у ёки бу жойда бўла олмаган тақдирда, унинг расмий эгизаги ёрдамга келарди.
Ташқи кўринишидан Элла Елизаветанинг тўғридан-тўғри нусхаси деб айтиб бўлмайди, лекин уларни узоқроқ масофадан ажратиб олиш деярли мумкин эмас. Бўйи, гавда тузилиши, соч турмаги ва индивидуал юз хусусиятлари жуда ўхшаш. Либослар эффектни янада кучайтиради, Элла Буюк Британиянинг марҳум қироличаси билан бир хил кийинарди.
Элланинг таъкидлашича, у қироличанинг яққол эгизаги эмас, параметрлари бўйича ўхшаш бўлган дублёри.
Элла қандай қилиб қиролича бўлган?
Слек ўз унвони билан фахрланади. Интервьюда у журналистларга орзу қилган ишига қандай эришганини айтиб берди.Бу BBC’да ишлаётганимда содир бўлган. Кенотаф (Буюк Британия иштирокидаги можароларда ҳалок бўлган барча аскарлар хотирасини абадийлаштириш учун мўлжалланган ёдгорлик – таҳр.) учун масъул бўлган продюсер олдимга кирди. Унинг сўзларига кўра, қиролича кенотафнинг ёнида турганида, қуёш нурлари кўзларига тушиб, оғритганини айтибди. Продюсер мендан бу борада нима қилишимиз мумкинлигини сўради, — деб эслайди Элла Great Big Story медиакомпаниясига берган интервьюсида.
Мен қироличанинг жойида туришим мумкинлигини айтдим. Ҳазрати олияларининг кўзига қуёш нури тушмаслигига ишонч ҳосил қилишим мумкин, чунки бўйимиз бир хил. Режиссёрлар 180 см дан баланд бўлган эркаклар эди. Кейин улар мунтазам равишда репитицияларда қиролича ўрнида бўлиб туришимни сўрашди. Мен қироллик каретасига чиқардим, Лондон Tauerгача қайиқда саёҳат қилардим, — дейди расмий дублёр.
Қиролича ўйини
Элла ҳар йили май ойида бўлиб ўтадиган Парламент тақвимининг асосий тантанали тадбири бўлган Парламентнинг расмий очилишида иштирок этган куни билан айниқса фахрланади. Маросим Лордлар палатасида бўлиб ўтади ва қиролича нутқини ўз ичига олади.
Бу парламентнинг расмий очилиши эди. Менга ҳеч қачон Лордлар палатасида тахтга ўтиришга рухсат берилмаган. Фақатгина унинг ёнида туришим мумкин. Агар қироличанинг каретасида ёки машинасида бўлсам, қўлимни силкитаман.Мен иштирок этган тайёргарлик жараёни бутун дунёда эфирга узатиларди, миллионлаб одамлар томоша қиларди. Асосий дастурларни ҳам томоша қиламан, у ерда қироличани кўраман, у учун қилган ишларимдан фахрланаман, — деб тан олади Элла.
Қизиғи шундаки, Слек Лондонда эмас, балки Ирландия денгизида жойлашган аҳолиси 80 мингдан сал кўпроқ бўлган кичик Мен оролида яшайди. Унинг яшаш жойи Англия, Ирландия, Шотландия ва Уэльсдан бир хил масофада жойлашган.
Бундан ҳам қизиғи, Элла қиролича сифатидаги «иши» учун бир тийин ҳам олмаган. У шундай қарорга келган. Слек пул олишдан бош тортади, чунки у қироллик олдидаги бурчини шараф деб ҳисоблайди. Афсуски, 2022 йил 8 сентябрда қиролича Елизавета вафот этди ва Элла ҳам тўсатдан ўз ваколатларини йўқотди.
Мавзуга доир:
Қироличанинг хариди: Елизавета II нимани сотиб олишда ўзидан бошқа ҳеч кимга ишонмаган?
Елизавета II нинг ҳар қандай аёлга қиролича каби кўринишга имкон берадиган услублари (фото)
Қиролича Елизавета II саратон сабабли вафот этгани маълум қилинди
Изоҳ (0)