Portugaliya terma jamoasi hujumchisi Krishtianu Ronaldu JCH—2022 chorak finali doirasida Marokashga qarshi o‘yindagi mag‘lubiyatdan (0:1) keyin ijtimoiy tarmoqda mundial kechinmalari bilan o‘rtoqlashdi.
Portugaliya safida Jahon Chempionatini yutish mening faoliyatimdagi eng katta va muhim orzu edi. Shukurki, xalqaro maydonda ko‘plab sovrinlar yutdim, shu jumladan Portugaliya safida ham. Biroq mamlakatimiz nomini dunyoning eng yuqori darajasiga olib chiqish mening eng katta orzum edi.Ronaldu Qatar mundialida bitta gol urishga erishdi va beshta Jahon Chempionatida gol urgan tarixdagi ilk futbolchi bo‘ldi.Buning uchun kurashdim. Orzum uchun tinmay kurashdim. 16 yil ichida beshta Jahon Chempionatida qatnashdim, buyuk futbolchilar bilan birga va millionlab portugaliyaliklar qo‘llab-quvvatlashi ostida to‘p surdim. Borimni berdim, maydonda bor kuchim bilan harakat qildim va hech qachon bu orzudan voz kechmadim.
Afsuski, kecha orzu barbod bo‘ldi. Qiziqqonlik bilan reaksiya bildirishdan foyda yo‘q. Shunchaki barcha bilib qo‘yishini istayman: ko‘p gapirildi, ko‘p yozildi, juda ko‘p mish-mish, biroq mening Portugaliyaga bo‘lgan sodiqligim bir lahzaga bo‘lsa ham o‘zgarmadi.
Umumiy maqsad uchun kurashganlardan biri bo‘ldim. Hech qachon jamoadoshlarim va mamlakatimdan yuz o‘girmadim.
Hozir boshqa aytadigan gap qolmadi. Portugaliyaga rahmat. Rahmat, Qatar. Orzu yo‘li davom etayotganda vaqtda hammasi ajoyib edi... Endi vaqt mehribon maslahatchiga aylanib, barcha uchun kerakli saboqlar berishini kutish qoldi.
Krishtianu Ronaldu, futbolchi
Izoh (0)