Aleksey Navalniy jamoasining tadqiqotlar bo‘limi rahbari Mariya Pevchix Rossiya prezidentining to‘ng‘ich qizi Mariya Voronsova Moskva davlat universiteti fundamental tibbiyot fakulteti dekani o‘rinbosarlaridan biri etib tayinlanganini aniqladi.
https://twitter.com/pevchikh/status/1601237511535464448
Pevchix e’lon qilgan suratda fundamental tibbiyot fakulteti ilmiy kengashi a’zolari aks etgan bo‘lib, ular orasida Voronsova Mariya Vladimirovna ham bor. “Tibbiyot fanlari nomzodi, dotsent, ichki kasalliklar kafedrasi dotsenti, ilm-fan bo‘yicha dekan o‘rinbosari”, — deyiladi Voronsovaning surati yonidagi izohda.
Fakultet saytida bunday ma’lumot yo‘q. Voronsovaning familiyasi ilmiy kengash ro‘yxatida ham, dekanat xodimlari ro‘yxatida ham yo‘q.
Mariya Voronsova — bolalar endokrinologi. 2011-yilda u Moskva davlat universiteti fundamental tibbiyot fakultetini bitirgan.
Vladimir Putinning ikkinchi qizi Katerina Tixonova ham Moskva davlat universiteti bilan chambarchas bog‘liq. U “Innopraktika” fondiga rahbarlik qiladi, MDU Murakkab tizimlar matematik tadqiqotlari instituti direktori o‘rinbosari va MDU Sun’iy intellekt va intellektual tizimlar muammolarini istiqbolli tadqiq qilish instituti rahbari bo‘lib ishlaydi.
Mariya Voronsova va Katerina Tixonova AQSH va Yevroittifoq sanksiyalariga uchragan.
Avvalroq OAVlarda Mariya Voronsova va Katerina Tixonova Vladimir Putin bilan qarindoshlik aloqalariga ega bo‘lishi mumkinligi haqida ko‘plab dalillar keltirilgan, ular “prezidentning ehtimoliy qizlari” deb atalgan edi. Sanksiyalar kiritilganidan keyin Kreml Voronsova va Tixonova Putinning oilasi a’zolari ekanini tan oldi, hisob.
Mavzuga doir:
- Yevroittifoq Putinning qizlari va “Komsomolskaya Pravda” bosh muharririga nisbatan sanksiyalar kiritdi
- Putinning to‘ng‘ich qizi 40 mlrd rubllik tibbiyot muassasasini qurayotgan kompaniya egasi ekanligi ma’lum bo‘ldi
- Putinning qizi deb taxmin etilayotgan Mariya Voronsova genetikani rivojlantirish kengashiga kirdi
Izoh (0)