Megan Marklning turmush o‘rtog‘i Garri “Skottining kichik askarlari” xayriya tashkiloti uchun videomurojaat tayyorladi. U Britaniya qurolli kuchlarida xizmat qilgan ota-onasidan ayrilgan bolalarga yordam beradi. Shahzoda bolalar bayram shukuhini umuman boshdan kechirmasligiga qaramay, barchani Yangil yil bayrami bilan tabrikladi, deb yozadi The Voice Mag.
“Salom, Rojdestvo kechamizga xush kelibsiz. Umid qilamanki, bugungi hayajonli bayramdan oldin biroz dam oldingiz. Sharki va Jorjdan eshitishimcha, Rojdestvoning buzilmasligi uchun to‘xtatishingiz kerak bo‘lgan beshta yovuz odam bor. Shuning uchun bir jamoa bo‘lib ishlang, aqlingiz va muskullaringizdan foydalaning. Ularni toping va Rojdestvoni buzishlariga yo‘l qo‘ymang!” — dedi shahzoda.
Xayriya tashkiloti o‘z tarbiyalanuvchilari uchun kvest formatida kechaning shunday konsepsiyasini o‘ylab topdi. Garrining ta’kidlashicha, ularning bu dunyodan abadiy ketgan yaqinlarisiz Rojdestvoni nishonlashda o‘zini aybdor his qilishi odatiy holdir.
“Sizni ishontirib aytamanki, ota-onangiz doim xursand bo‘lishingizni xohlaydi. O‘zingizni aybdor his qilmang, ayniqsa, hozir har qachongidan ham ko‘proq zavqlaning”, — dedi Garri. So‘ngra O‘rgimchak odam niqobini yechib tashladi va tabassum bilan xayrlashdi.
Izoh (0)