“Sudlanuvchilarning har qanday iltimosi inobatga olinyapti. Bu juda noodatiy”. Inson huquqlari faoli Nukus voqealari bo‘yicha sud majlisi haqida gapirdi

“Huquqiy tayanch” birlashmasi rahbari A’zam Farmonov Nukus voqealari ishtirokchilari ustidan o‘tkazilayotgan sudiga baho berdi.

Sud ko‘pchilik tomonidan “misli ko‘rilmagan darajada ochiq”, deya ta’riflanayotganining ma’lum sabablari bor. Shu paytga qadar O‘zbekistonda sudlardan hamisha norozilik bo‘lib kelgan. Ko‘pchilik, shular qatorida men va mening “Huquqiy tayanch” birlashmamiz ham sudlov tizimidan mutlaqo qoniqmaganmiz. Juda ko‘p holatlarda ochiq sudlar ham deyarli yopiq tarzda o‘tishi tabiiy hol.

Nukus voqealari bo‘yicha boshlangan sudda esa juda noodatiy holatni ko‘rdim — sud haqiqatdan ham juda ochiq. Masalan, sud jarayonida sudlar etikasiga to‘liq rioya qilinyapti. Sudlanuvchilar tomonidan keltirilayotgan har qanday, oddiy darajadagi og‘izaki yoki yozma iltimosnomalarga ham e’tibor berilyapti va bajarishga harakat qilinyapti. Shu holatlar yuqorida aytilganidek, “misli ko‘rilmagan ochiq” deyish uchun sabab bo‘lyapti, — deya ta’kidladi Farmonov.

Avvalroq mazkur sud jarayonida ayblanuvchi sifatida ishtirok etayotgan jurnalist Lola Qallixanovaning Nukus voqealaridagi ishtiroki va bundan pushaymon bo‘layotgani haqida xabar berilgandi.

Mavzuga doir: 

• Nukus voqealarida ayblanayotganlar ustidan sud ishi boshlandi (foto)
• Nukus voqealarida ayblanayotganlar sudi davom etmoqda: asosiy gumonlanuvchilardan biri ikkinchisini firibgar deb atadi
• Nukusdagi tartibsizliklar oqibatida yetkazilgan zarar miqdori ma’lum bo‘ldi
• Qoraqalpog‘istondagi tartibsizliklar bo‘yicha sud: kim nimada ayblanayotgani ma’lum qilindi