«Судланувчиларнинг ҳар қандай илтимоси инобатга олиняпти. Бу жуда ноодатий». Инсон ҳуқуқлари фаоли Нукус воқеалари бўйича суд мажлиси ҳақида гапирди

«Ҳуқуқий таянч» бирлашмаси раҳбари Аъзам Фармонов Нукус воқеалари иштирокчилари устидан ўтказилаётган судига баҳо берди.

Суд кўпчилик томонидан «мисли кўрилмаган даражада очиқ», дея таърифланаётганининг маълум сабаблари бор. Шу пайтга қадар Ўзбекистонда судлардан ҳамиша норозилик бўлиб келган. Кўпчилик, шулар қаторида мен ва менинг «Ҳуқуқий таянч» бирлашмамиз ҳам судлов тизимидан мутлақо қониқмаганмиз. Жуда кўп ҳолатларда очиқ судлар ҳам деярли ёпиқ тарзда ўтиши табиий ҳол.

Нукус воқеалари бўйича бошланган судда эса жуда ноодатий ҳолатни кўрдим — суд ҳақиқатдан ҳам жуда очиқ. Масалан, суд жараёнида судлар этикасига тўлиқ риоя қилиняпти. Судланувчилар томонидан келтирилаётган ҳар қандай, оддий даражадаги оғизаки ёки ёзма илтимосномаларга ҳам эътибор бериляпти ва бажаришга ҳаракат қилиняпти. Шу ҳолатлар юқорида айтилганидек, «мисли кўрилмаган очиқ» дейиш учун сабаб бўляпти, — дея таъкидлади Фармонов.

Аввалроқ мазкур суд жараёнида айбланувчи сифатида иштирок этаётган журналист Лола Қаллиханованинг Нукус воқеаларидаги иштироки ва бундан пушаймон бўлаётгани ҳақида хабар берилганди.

Мавзуга доир: 

• Нукус воқеаларида айбланаётганлар устидан суд иши бошланди (фото)
• Нукус воқеаларида айбланаётганлар суди давом этмоқда: асосий гумонланувчилардан бири иккинчисини фирибгар деб атади
• Нукусдаги тартибсизликлар оқибатида етказилган зарар миқдори маълум бўлди
• Қорақалпоғистондаги тартибсизликлар бўйича суд: ким нимада айбланаётгани маълум қилинди