Bugun,

  • USD 11095.31
  • RUB 173.84
  • EUR 10772.44

Markaziy bank O‘zbekistonda daromadlari turlicha bo‘lgan aholi uchun oylik va yillik inflyatsiyani ma’lum qildi.

Foto: “Daryo” / Madina Nurman

Foto: “Daryo” / Madina Nurman

2022-yilning oktabr oyida yillik inflyatsiya darajasi 12,2 foizni, oziq-ovqat mahsulotlari inflyatsiyasi esa 15,9 foizni tashkil etdi.

Hududlar kesimida, 7 ta hududda umumiy va oziq-ovqat inflyatsiya ko‘rsatkichlari mamlakat bo‘yicha o‘rtacha inflyatsiyadan balandroq bo‘ldi.

Asosiy turdagi iste’mol tovarlari narxlarining oktabr oyida nisbatan barqaror bo‘lganligi kam va o‘rta daromadga ega oilalarning inflyatsiyasi pasayishiga xizmat qildi.

2 mln so‘m va 2—4 mln so‘mgacha daromadlilarning inflyatsiyasi 0,7 va 0,3 foiz bandgacha kamaydi. Ular uchun narxlar bir yilda mos ravishda 13,5 foiz va 12,3 foizga o‘sgan.

Foto: Markaziy bank

Foto: Markaziy bank

4—5 mln so‘mgacha daromadli aholining inflyatsiyasi o‘zgarishsiz — 12,4 foiz darajasida saqlanib qoldi.

5 mln so‘mdan yuqori daromadga ega oilalar esa 11,3 foiz inflyatsiyaga uchragani qayd etildi. Bu turdagi aholi sentabr oyida 11,8 foiz inflyatsiyaga uchragan.

O‘tgan oy davomida asosiy turdagi oziq-ovqat mahsulotlari narxlarining o‘sish tendensiyalari sekinlasha boshlagani ijtimoiy tovarlar narxlari o‘zgarishida ham sezilmoqda.

Oktabr oyida ijtimoiy tovarlar narxlarining yillik o‘sishi 15,6 foizgacha pasaydi. Sentyabrda bu ko‘rsatkich 16,9 foizni tashkil etgan.

Ushbu holat asosiy turdagi iste’mol mahsulotlari hisoblangan piyoz, kartoshka hamda shakar mahsulotlari yillik o‘sish sur’atlarining o‘tgan oylarga nisbatan sekinlashishi bilan izohlanadi.

Avvalroq global inflyatsiya o‘zining eng yuqori darajasiga yetgani haqida xabar berilgandi.

Izoh
Asosiy yangiliklar
Dunyo
Turkiya va Suriyadagi zilzila nega halokatli oqibatlarga olib keldi?
Mahalliy
“Qardoshlarimizga hamdardmiz”. O‘zbek jamoatchiligi Turkiyadagi zilzilaga munosabat bildirdi
Dunyo
Turkiya va Suriyadagi kuchli zilzila: Vayronalar ostidan odamlar qidirilmoqda — fotoreportaj