Yevropada energiya uchun kamroq pul to‘lash maqsadida janubroqqa ko‘chayotganlar — “energiya muhojirlari” paydo bo‘ldi. Bu haqda Reuters xabar bermoqda.
Agentlik ma’lumotlariga ko‘ra, Buyuk Britaniya, Germaniya va Gollandiyadan Ispaniya, Gretsiya va Portugaliyada uy-joy qidirish bo‘yicha so‘rovlar yiliga mos ravishda 36 foiz, 13 foiz va 3 foizga oshgan.
Germaniya va Skandinaviya aholisi ikki yoki uch oy uchun kvartira bron qiladi, — deydi Ispaniyaning Melia mehmonxonalar tarmog‘i rahbari Gabriel Eskarrer.
Ispaniyaning Gran Kanariya orolida joylashgan nemis maktabiga xorijlik talabalardan 40 ta ariza kelib tushgan, bu avvalgi yillarga qaraganda ko‘proq.
Kanar orollaridagi hamkorlik uyushmasi Repeople’ning ta’kidlashicha, mulklarning 80 foizi qish oxirigacha bron qilingan.
Aviakompaniyalar ham yevropaliklarning janubga ommaviy ko‘chib o‘tishiga tayyorgarlik ko‘rmoqda: Germaniya va Kanar orollari o‘rtasida parvozlarni amalga oshiruvchi TUI Fly reyslar sonini taxminan 10 foizga oshirishini ma’lum qilgan.
Kanar orollari sayyohlik idorasi ham reyslardagi o‘rindiqlar sonini o‘tgan yilga nisbatan uchdan bir qismga oshirayotganini ta’kidlagan.
Izoh (0)