O‘zbekistonda to‘langan keshbeklar 600 mlrd so‘mdan oshdi

O‘zbekistonda iste’molchilarga to‘langan keshbeklar miqdori 602 milliard so‘mdan oshdi. Bu haqda Davlart soliq qo‘mitasi xabar bermoqda. 

Qayd etilishicha, oktabr oyi uchun 1,2 mln nafar iste’molchiga 82,2 mlrd so‘m keshbek to‘langan. Sentabr oyida ham 1,2 mln nafar iste’molchiga 84,9 mlrd so‘m miqdorida keshbek to‘lab berilgan edi. Bu hozircha rekord bo‘lib turibdi. 

Shuningdek, kamchiliklar bartaraf etilishi natijasida yanvar—sentabr oylari uchun yana 1,5 mlrd so‘m keshbek tasdiqlangan.

Yil boshidan buyon 1 506 906 nafar fuqaro 602,9 mlrd so‘m keshbek oldi.

Foydalanuvchi shaxsini aniqlash va xavfsizlik maqsadida 500 000 so‘mdan ortiq keshbek mablag‘larini bank kartasiga o‘tkazishda Face ID (avtorizatsiya) dan o‘tish talab etiladi. 

Avvalroq O‘zbekistonda onlayn kassalar orqali berilgan cheklarni tahrirlashga ruxsat berilgan edi.