Neft narxi yanvar oyidan beri eng past darajaga tushib ketdi
Londonning ICE birjasida Brent markali neft narxi 11-yanvardan beri ilk bor barreliga 82 dollardan pastga tushdi. Bu haqda “RBK” xabar bermoqda.
Toshkent vaqti bilan 06:43 holatiga ko‘ra, ushbu c toifali yoqilg‘i narxi 81,19 dollarga tushdi. Soat 07:37 holatiga ko‘ra, Brent markali neftning fevral fyucherslari bir barreli uchun 81,73 dollardan sotilmoqda.
Brent neftining narxi oxirgi marta yanvar oyi boshida bu darajada bo‘lgan — 10-yanvarda bir barrel uchun 81,37 dollarni tashkil qilgan edi.
Shu bilan birga, WTI neftining fevral fyucherslari Toshkent vaqti bilan 07:17 ga 2,6 foizga pasayib, bir barrel uchun 74,42 dollarni tashkil qildi.
5-dekabr kuni Yevropa Ittifoqining Rossiyadan dengiz orqali neft yetkazib berish bo‘yicha oltinchi sanksiyalar paketi doirasida qabul qilingan embargosi kuchga kiradi.
Shu kuni sakkizinchi sanksiyalar to‘plamida nazarda tutilgan Rossiya neftiga narxlar bo‘yicha cheklov kuchga kirishi kerak, ikki oydan keyin esa neft mahsulotlari narxini cheklash amalga oshiriladi.
Avvalroq Yevropa Ittifoqi Rossiya neft narxiga chegara qo‘yish bo‘yicha kelisha olmagani haqida xabar berilgandi.
