Asosiy iqtisodiy ko‘rsatkichlarni tahlil qilib, ekspertlar bilan suhbat o‘tkazgan Financial Times (FT) gazetasiga ko‘ra, global inflyatsiya eng yuqori cho‘qqiga chiqqan va sekinlashishda davom etishi kutilmoqda.
Shunday qilib, Germaniyada oktabr oyida ulgurji ishlab chiqaruvchilar narxlari o‘tgan oyga nisbatan 4,2 foizga kamaydi — bunday pasayish 1948-yildan beri rekorddir.
Buyuk Britaniya va AQSHda ulgurji ishlab chiqaruvchilar narxlari ham o‘tgan yozga nisbatan pasaygan.
FT’ning qayd etishicha, deyarli barcha G20 mamlakatlarida ulgurji ishlab chiqaruvchilar narxlari oktabr oyida, shu jumladan, Ispaniya, Meksika, Portugaliya va Polsha kabi mamlakatlarda sentabr oyiga nisbatan pasaygan.
Moody’s Analytics bosh iqtisodchisi Mark Zandi Inflyatsiya eng yuqori cho‘qqisiga chiqib ulgurganini ta’kidladi.
Uning so‘zlariga ko‘ra, eng yuqori darajaga erishish inflyatsiyaning kelgusi oylarda sekinlasha boshlashini anglatadi.
Capital Economics yetakchi tahlilchisi Jennifer Makkeonning fikricha, inflyatsiya kelgusi yilda talabning kamayishi natijasida tovarlar narxining pasayishi tufayli sekinlasha boshlaydi.
Bizning hisob-kitoblarga ko‘ra, energiya va oziq-ovqat bozorlaridagi mavjud vaziyat kelgusi olti oy ichida iste’mol narxlariga ta’sir qila boshlaydi va rivojlangan mamlakatlarda inflyatsiyani taxminan 3 foizga kamaytiradi, — deb hisoblaydi Makkeon xonim.
Mavzuga doir:
Izoh (0)