Qashqadaryoning Ko‘kdala tumanida yukxonasida yo‘lovchilar olib ketayotgan Labo’ni yuk mashinasi urib ketishi oqibatida ikki kishi halok bo‘ldi. Bu haqda Yo‘l harakati xavfsizligi xizmati xabar berdi.
Ma’lum qilinishicha, 12-noyabr kuni soat 09:30 larda “Toshli” MFY hududidan o‘tuvchi 4R-87 avtomobil yo‘lining 46-kilometrida haydovchi Labo yukxonasida odam tashish qoidalarini buzgan holda yo‘lovchilar mindirib harakatlanayotgan vaqtda yoqilg‘isi tugab transport vositasi sekinlashgan.
Haydovchi avtomobilni yo‘l chetiga olib chiqayotgan vaqtda ortidan harakatlanib kelgan Isuzu yo‘l chetiga harakatlanayotgan Labo’ning aynan odamlar minib olgan qismiga qattiq zarb bilan urilgan va ikkala yuk avtomobillari yo‘l chetiga ag‘darilgan.
Oqibatda Labo yukxonasida bo‘lgan ikki nafar yo‘lovchi og‘ir tan jarog‘atlari olib voqea joyida vafot etgan. Besh nafar yo‘lovchi turli darajadagi tan jarohatlari bilan shifoxonaga yotqizilgan.
Mazkur YTH yuzasidan Qashqadaryo viloyati IIB huzuridagi Tergov boshqarmasi Yo‘l-transport hodisalari bilan bog‘liq jinoyatlarni tergov qilish bo‘linmasi tomonidan Jinoyat kodeksining 266-modda 3-qismi “a” bandi bilan jinoyat ishi qo‘zg‘atilib, tergov harakatlari olib borilmoqda.
Izoh (1)
лабу мас лабо болади