Қашқадарёнинг Кўкдала туманида юкхонасида йўловчилар олиб кетаётган Лабўни юк машинаси уриб кетиши оқибатида икки киши ҳалок бўлди. Бу ҳақда Йўл ҳаракати хавфсизлиги хизмати хабар берди.
Маълум қилинишича, 12 ноябрь куни соат 09:30 ларда «Тошли» МФЙ ҳудудидан ўтувчи 4Р-87 автомобиль йўлининг 46-километрида ҳайдовчи Лабо юкхонасида одам ташиш қоидаларини бузган ҳолда йўловчилар миндириб ҳаракатланаётган вақтда ёқилғиси тугаб транспорт воситаси секинлашган.
Ҳайдовчи автомобилни йўл четига олиб чиқаётган вақтда ортидан ҳаракатланиб келган Isuzu йўл четига ҳаракатланаётган Лабўнинг айнан одамлар миниб олган қисмига қаттиқ зарб билан урилган ва иккала юк автомобиллари йўл четига ағдарилган.
Оқибатда Лабо юкхонасида бўлган икки нафар йўловчи оғир тан жароғатлари олиб воқеа жойида вафот этган. Беш нафар йўловчи турли даражадаги тан жароҳатлари билан шифохонага ётқизилган.
Мазкур ЙТҲ юзасидан Қашқадарё вилояти ИИБ ҳузуридаги Тергов бошқармаси Йўл-транспорт ҳодисалари билан боғлиқ жиноятларни тергов қилиш бўлинмаси томонидан Жиноят кодексининг 266-модда 3-қисми «а» банди билан жиноят иши қўзғатилиб, тергов ҳаракатлари олиб борилмоқда.
Изоҳ (1)
лабу мас лабо болади