O‘zbekistonda ilk bor tashkil etilgan Samarqanddagi “sheltor” (zo‘ravonlikka uchragan ayollarga yordam berish markazi) asoschisi, mashhur o‘zbek yozuvchisi Abdulla Oripovning singlisi Bibisora Oripova “Yuzma-yuz” YouTube loyihasiga o‘z hayot yo‘li va mamlakadagi ijtimoiy muammolar haqida intervyu berdi.
“Yuzma-yuz” loyihasining asosiy maqsadi – jamiyatimizda ayollar duch kelgan muammolar haqida gapirish va unga yechim topgan insonlarni ko‘rsatish.
Loyiha “Profsoyuz” PR-agentligi tomonidan, BAT Uzbekistan QK ko‘magida yaratilgan. Uning har bir sonida siz ma’lum qiyinchiliklarga qaramay o‘z maqsadiga erisha olgan ayollarning hayotiy tajribalari haqida bilib olasiz.
Qarshi shahriga yaqin Neko‘z qishlog‘ida tug‘ilib o‘sgan, o‘qituvchi bo‘lishni orzu qilgan qiz qanday qilib keyinchalik minglab ayollarga ko‘maklashuvchi ijtimoiy faol shifokorga aylandi?
Kuyganlar davolanadigan bo‘limlarda ayollar jarohatidan keyin uylariga qaytib ketishi qiyin bo‘lardi, ajrimlar ko‘payib ketardi, qaytarib olishmasdi. Juda qiynalgan ayollar bo‘lardi. Keyin aytardimki ayollarga shunday joy bo‘lsaki, ular o‘z uyidagidek yashasa, kasalxonada emas, o‘z uyidek joyda, — deya eslaydi Bibisora Oripova.“Yuzma-yuz”ning navbatdagi qahramoni hech qaysi ayol majbur bo‘lmasa ko‘chaga chiqib ketmaydi, deb hisoblaydi.
Shuningdek, Bibisora Oripova akasi Abdulla Oripov uning faoliyatiga qanday qaragani haqida ham so‘zlab berdi.
Agar jamiyatda zo‘ravonlik bo‘lmaganida ayollar bu yerga kelishga majbur bo‘lmasdi. Zo‘ravonlikni oilada asosan erkaklar qiladi.Qanday qilib? Qahramonimizning bu haqidagi fikrlarini batafsil videoda ko‘ring.Nega? Hech qaysi bola zo‘ravon bo‘lib tug‘ilmaydi, biz o‘zimiz – onalar ularni shunday qilib tarbiyalab qo‘yamiz.
Reklama huquqi asosida.
Izoh (0)