NATOga imkon qadar tezroq a’zo bo‘lishimiz kerak — Shvetsiya TIV

Shvetsiya rasmiylari NATOga a’zo bo‘lish uchun Turkiyadagi saylovlarni kutmasligini ma’lum qildi. Bu haqda Svenska Dagbladet nashri xabar berdi.

Mamlakat tashqi ishlar vaziri Tobias Billstrom bu bo‘yicha ma’lumot berib, NATOga a’zolik borasidagi masalaga hozir e’tibor qaratilishini ta’kidladi.

“Menimcha, Turkiyadagi saylovlarning ehtimoliy natijalari haqida har qanday taxminlarga tayanmaslik kerak. Biz NATOga imkon qadar tezroq a’zo bo‘lishga e’tibor qaratishimiz zarur. Biz Turkiya va Vengriya parlamentlari Shvetsiya hamda Finlyandiyaning arizasini ratifikatsiya qilgandagina NATOga a’zo bo‘lishimiz mumkin”, — deydi Billstrom.

Vazir Shvetsiyaning yangi hukumatida kurd muammosi bilan bog‘liq bo‘lgan va Turkiya Shvetsiyaning NATO ittifoqiga qabul qilishiga qarshilik qiladigan omillar mavjuz emas.

Eslatib o‘tamiz, Shvetsiya Finlyandiya bilan birgalikda Rossiya-Ukraina harbiy mojarosi fonida NATOga qo‘shilish niyatini e’lon qilgan. 28 iyun kuni Turkiya Stokgolm va Xelsinkining NATOga a'zo bo'lishini qo'llab-quvvatlashga qaratilgan qo'shma memorandum imzolandi.

Turkiya tomoniga ko‘ra, Yevropaning ikki davlati Anqaraning bir qator asosiy talablariga rozi bo‘lgan. Jumladan Xelsinki va Stokgolm Turkiyadagi taqiqlangan Kurdiston ishchilar partiyasi va uning ittifoqchilariga qarshi kurashda “to‘liq hamkorlik” qilishga va’da bergan.

Mavzuga doir:

• Shvetsiya Erdo‘g‘onning talabi bilan o‘z konstitutsiyasini o‘zgartirishga rozi bo‘ldi
• Shvetsiya o‘z hududiga yadro quroli joylashtirilishiga yo‘l qo‘ymaslikka va’da berdi