Hindiston va Pokistonn bir-birini o‘t ochishni to‘xtatish sulhini buzganlikda aybladi. Bu haqda Deutsche Welle xabar berdi.
Mahalliy aholi Kashmirda kuchli portlashlar sodir bo‘lganini ma’lum qilgan. Hindiston tashqi ishlar vaziri o‘rinbosari Vikram Misriyning aytishicha, sulh bir necha soat davomida bir necha marta buzilgan. Pokiston ham Hindiston tomonidan sulh buzilganini ta’kidladi, ammo Islomobod o‘t ochishni to‘xtatish rejimiga sodiq qolishini bildirdi.
Bizning fikrimizcha, o‘t ochishni to‘xtatish rejimiga to‘liq rioya qilish bilan bog‘liq har qanday masala tegishli darajalarda muloqot orqali hal qilinishi kerak, deya ta’kidladi Tashqi ishlar vazirligi.
Vazirlik “joylardagi qo‘shinlar o‘zlarini bosiq tutishi lozim”ligini qayd etdi. Deutsche Welle nashriga ko‘ra, mahalliy aholi Kashmirning Hindiston nazoratidagi qismidagi ikkita yirik shahar — Srinagar va Jammuda kuchli portlashlar sodir bo‘lganini aytgan.
Sulhga nima bo‘ldi, jin ursin? Butun Srinagar bo‘ylab portlashlar eshitilmoqda!!!, degan Jammu va Kashmir ittifoq hududi bosh vaziri Umar Abdulla.
7-mayga o‘tar kechasi Hindiston Pokistonni o‘qqa tutdi. Islomobod buni urush harakati deb atadi va zarbalar bilan javob qaytardi. Ikki tomondan ham tinch aholi vakillari halok bo‘lgani xabar qilindi. Hindiston hujumni “terrorchilarni nishonga olgani” bilan izohladi. Pokiston esa hujumlarda mahalliy tinch aholi halok bo‘lganini ma’lum qildi. 10-may kuni AQSH vositachiligida mamlakatlar o‘t ochishni to‘xtatish bo‘yicha kelishuvga erishdi.
Izoh (0)