Bugun,

  • USD 11095.31
  • RUB 173.84
  • EUR 10772.44

Yevropa Ittifoqi (YI) mamlakatlari elchilari Rossiya neftining maksimal narxini muhokama qiladi. Bu bir barrel uchun 65-70 dollar miqdorida belgilanishi kutilmoqda. Bu haqda manbalarga tayanib, Bloomberg xabar berdi.

Foto: Bloomberg

Foto: Bloomberg

Reuters xabariga ko‘ra, G7 davlatlari Rossiya nefti narxiga ham xuddi shunday chegara belgilashni rejalashtirmoqda.

Agentlik ma’lumotlariga ko‘ra, Yevropa Ittifoqi elchilarining uchrashuvida cheklovlar to‘g‘risida kelishib olinsa, YI Rossiya neftiga narx chegarasini rasman e’lon qiladi.

Bloomberg ta’kidlashicha, taklif qabul qilinishi uchun Yevropa Ittifoqiga a’zo 27 davlatning barchasi buni qo‘llab-quvvatlashi kerak.

Yevropa Ittifoqining ayrim rasmiylari taklif qilingan chegara juda yuqori deb hisoblaydi.

Avvalroq Yevropa Ittifoqi Rossiya neftiga yuqori narx chegarasini belgilashga tayyorligi ma’lum qilingani haqida xabar berilgandi.

Noyabr oyida G7 mamlakatlari (AQSH, Buyuk Britaniya, Germaniya, Fransiya, Italiya, Kanada va Yaponiya) tashqi ishlar vazirlari Rossiyadan neft narxining yuqori chegarasini joriy etish tartibi tez orada yakunlanishini ma’lum qilgan edi.

Yakuniy narx chegarasi hali belgilanmagan. Biroq u bir barrel uchun 60 dollar atrofida belgilanishi kutilmoqda.

5-dekabr kuni Rossiyaning Yevropa Ittifoqiga neft yetkazib berishga qisman embargosi ​​ham kuchga kirishi kerak. Rossiya rasmiylari, agar bunday qaror joriy etilsa, mamlakat neft yetkazib berishni to‘xtatishini bildirgan.

Izoh
Asosiy yangiliklar
Dunyo
Turkiyada deputatlar davlat budjeti muhokamasida mushtlashdi (video)
Mahalliy
Namangandagi ko‘mir mashmashasi: aholi uchun ko‘mir sotib olish — ovoragarchilik, rahbarlar esa ko‘mirga talab uning sifati yaxshiligidan demoqda (video)
Mahalliy
Toshkentda zo‘ravonlikka qarshi kurash bo‘yicha xalqaro anjuman — suratlarda