Bugun,

  • USD 11095.31
  • RUB 173.84
  • EUR 10772.44

Rossiya fuqarolarining ish uchun topshirilgan rezyumelari o‘rganilib, ular eng ko‘p qaysi davlatlardan ish izlayotgani aniqladi. Bunday davlatlar orasida O‘zbekiston ham yetakchi. Bu haqda “hh.uz”ga tayanib, “RBK” xabar bermoqda.

Foto: “Daryo” / Madina Nurman

Foto: “Daryo” / Madina Nurman

Ya’ni ushbu mamlakatlarning rezyume ma’lumotlar bazalarida Rossiya fuqaroligi ko‘rsatilganlari ko‘paydi — jami 66 mingta shunday rezyumelar joylashtirilgan.

10-oktabrdan 22-oktabrga qadar o‘tgan oyning mos davriga nisbatan Rossiya fuqaroligiga ega bo‘lgan arizachilarning rezyumelari soni eng ko‘p Qozog‘istonda (44 ming rezyumega), Gruziyada (8,6 mingga), O‘zbekistonda (4,5 mingga), Turkiyada (2,9 mingga) va Qirg‘izistonda (2,8 mingga) o‘sgan.

Tadqiqotda aytilishicha, bu holat mehnat bozoriga hali ta’sir ko‘rsatmagan, chunki ko‘rsatilgan 66 ming nomzodning aksariyati o‘z kasbiy vazifalarini bajarish va mobil hayot tarzini olib borish uchun internetdan foydalanadigan raqamli ko‘chmanchilar toifasi vakillaridir.

Bular asosan IT mutaxassislari (19 foiz), savdo va mijozlarga xizmat ko‘rsatish bo‘yicha xodimlar (10 foiz), marketologlar, reklama beruvchilar va PR bo‘yicha mutaxassislar (9 foiz), professional qurilish va ko‘chmas mulk guruhlaridan ish izlovchilar (8 foiz).

Hozircha qancha mehnat yoshidagi ish izlovchilar mamlakatni tark etganini aytish juda qiyin, chunki odamlar turli sabablarga ko‘ra chegarani kesib o‘tib, keyin qaytib keladi. Mutaxassislarning eng optimistik hisob-kitoblariga ko‘ra, minimal raqam 300 mingga yaqin, — deyiladi hh.ru xabarida.

Avvalroq rossiyaliklarning O‘zbekistonga ko‘chib kelishi mamlakat iqtisodiyotiga qanday ta’sir qilgani haqida xabar berilgandi.

Izoh
Asosiy yangiliklar
Mahalliy
O‘zbekistonda 175 kishining pasportiga IMEI kodlari noqonuniy ro‘yxatdan o‘tkazilgani aniqlandi
Dunyo
Pablo Eskobar buyrug‘i bilan portlatilgan Boeing, “Nevskiy ekspress” poyezdidagi terakt va sovet hukumatiga qarshi boshlangan Slutsk qo‘zg‘oloni. Kun xronologiyasi...
Mahalliy
Uy-ro‘zg‘or ishlari ayollarning iqtisodiy faolligini tushiradi: O‘zbek ayolining martabaga erishish imkoniyatlari tahlil qilindi