Qozog‘istonda hindistonlik erkakni o‘g‘irlab ketgan o‘zbekistonlik fuqarolar qo‘lga olindi. Bu haqda “Polisia.kz” xabar berdi.
Hindiston fuqarosi ozod qilinganidan so‘ng, holat yuzasidan Qarag‘anda politsiyasiga murojaat qilgan. 27 yoshli jabrlanuvchi noma’lum shaxslar uni majburan mashinaga o‘tqazib, Ostona shahriga olib ketishganini aytgan. Poytaxtda hindistonlik erkak kvartirada ushlab turilgan va zo‘ravonlik bilan tahdid qilinib, undan 200 ming dollar talab qilingan.
“Uyushgan jinoyatchilikka qarshi kurashish departamenti xodimlari tomonidan olib borilgan maxsus tezkor tadbirlar davomida poytaxtda ijaraga olingan kvartira aniqlandi. Unda odam o‘g‘irlash va tovlamachilikda gumon qilinib, 26 yoshdan 34 yoshgacha bo‘lgan to‘rt nafar O‘zbekiston fuqarosi qo‘lga olindi. O‘g‘irlash, noqonuniy ozodlikdan mahrum qilish va tovlamachilik yuzasidan sud tergovi olib borilmoqda”, — deydi viloyat IIB boshlig‘i o‘rinbosari Abil Abildin.
Mavzuga doir:
Izoh (0)