Gruziya sobiq prezidenti Mixail Sakashvilining advokati Shalva Xachapuridze siyosatchida demensiya (aqldan ozish), shuningdek, sil va 34 ta kasallik belgilari aniqlanganini ma’lum qildi, deb yozadi “RBK”.
“Tashxislar haqida gapirishga hali erta. Biz hali ham kutmoqdamiz. Shubhalar mavjud va bu borada ishlar davom etmoqda. Men demensiya va sil, shuningdek, 34 ta kasallik borasidagi shubhalarni nazarda tutyapman”, — dedi u.
Bir kun avval Xachapuridze Saakashvilini tekshirayotgan amerikalik tibbiyot mutaxassislari uning advokatlariga siyosatchining sog‘lig‘i haqida hisobot berganini aytdi. Advokat hozircha uning mazmunini oshkor eta olmasligini ta’kidlab, natijalarni 20-noyabrgacha e’lon qilishga va'da berdi.
“Xorijlik mutaxassislar Saakashvilini avgust oyidayoq tekshirishni boshlagan. U davolanayotgan Vivamed klinikasiga amerikalik va shveysariyalik shifokorlar tashrif buyurgan. Bundan tashqari, britaniyalik psixiatr 8-noyabr kuni Gruziyaga kelishi kerak edi”, — dedi Xachapuridze.
Advokatning so‘zlariga ko‘ra, xorijlik mutaxassislar tomonidan Saakashviliga qo‘yilgan tashxislar, gruziyalik shifokorlar xulosasidan jiddiy farq qiladi.
Izoh (0)