“Hizb ut-Tahrir”ning Panjsher bo‘limi “Tolibon”ga bay’at qildi

“Hizb ut-Tahrir” terroristik tashkilotining Afg‘onistondagi Panjsher bo‘limi “Tolibon” hukumatiga bay’at qildi. Bu haqda mahalliy manbalarga tayanib, Sputnik Afganistan xabar bermoqda.

Qayd etilishicha, bu harakat bilan “Hizb ut-Tahrir”ning mahalliy a’zolari “Tolibon” rasmiylari ham qatnashadigan uchrashuvlarni erkin va ochiq o‘tkazish huquqiga umid qilmoqda. Viloyat markazi Bozorakdagi masjid ular uchun joy sifatida tanlangan.

Bundan tashqari, Pariyon viloyatida terrorchilik tashkilotiga mansub shoir va ulamolar toliblar bilan uchrashib, yangi hukumat harakatlaridan mamnun ekanini bildirgan.

“Buning ajablanarli joyi yo‘q — bir yil oldin mintaqaning ‘Tolibon’ga taslim bo‘lishiga sabab bo‘lgan guruhning mahalliy yacheykasi edi, shundan so‘ng Panjsher qulashi boshlandi”, — deyiladi xabarda.