2050-yilga kelib, muzliklar muqarrar erib ketadi — olimlar

Iqlim o‘zgarishi tufayli, butun dunyodagi muzliklar, shu jumladan, Afrikadagi so‘nggi muzlik ham 2050-yilga kelib, erib ketishi muqarrar, deb yozadi DW.

YUNESKO hisobotiga ko‘ra, BMT Jahon merosiga kiritilgan obyektlarda joylashgan muzliklarning uchdan bir qismi 30 yil mobaynida erib bitadi.

Kilimanjaro tog‘idagi oxirgi muzliklar ham, Alp tog‘idagilari ham, shuningdek, AQSHda Yosemite milliy parkidagi muzliklar ham yo‘q bo‘lib ketadi. Ularning erishini butun dunyoning iqlim o‘zgarishiga qarshi kurash bo‘yicha xatti-harakatlari to‘xtatib qololmaydi, deydi olimlar.

“Muzliklar iqlim o‘zgarishining ahamiyatli ko‘rsatkichlaridan biridir, chunki ulardagi o‘zgarishlar ko‘zga tashlanadi. Bu biz haqiqatda ko‘rishimiz mumkin bo‘lgan narsadir”, — dedi tadqiqotchilar.

Ularning aytishicha, BMT jahon merosi obyektlaridagi muzliklarning qolgan uchdan ikki qismini qutqarish mumkin, qachonki dunyo global isishni 1,5 darajagacha cheklasa.

Olimlar 2050-yilga qadar g‘oyib bo‘ladigan jahon merosi obyektlari ro‘yxatini keltirib o‘tdi:

• Girkan o‘rmonlari (Eron);
• Durmitor milliy parki (Chernogoriya);
• Virunga milliy parki (Kongo demokratik respublikasi);
• Xuanlun manzarali va tarixiy tumani (Xitoy);
• Yelloustoun milliy parki (AQSH);
• Maunt-Keniya tabiiy o‘rmoni (Keniya);
• Pireney tog‘larining Mon-Perdyu hududi (Fransiya, Ispaniya);
• Ruvenzori milliy tog‘lar parki (Uganda);
• Putorana platosi (Rossiya);
• Sardona tektonik hududi (Shveysariya);
• Naxanni milliy parki (Kanada);
• Lorensa milliy parki (Indoneziya);
• Vrangel oroli tabiiy qo‘riqxona tizimi (Rossiya);
• Kilimanjaro milliy parki (Tanzaniya);
• Yosemit milliy parki (AQSH);
• Dolomit tog‘lari (Italiya);
• Komi o‘rmonlari (Rossiya).