Koronavirusdan keyin Markaziy Osiyo mintaqasi qayta tiklanmoqda, biroq oldinda qator muammo va to‘siqlar mavjud. Bu haqda Samarqandda o‘tkazilayotgan iqtisodiy forumda Xalqaro valyuta jamg‘armasining yaqin sharq va Markaziy Osiyo departamenti direktori Jihad Azur aytib o‘tdi, deya xabar bermoqda “Daryo” muxbiri.
Jihad Azurning ta’kidlashicha, global iqtisodiy o‘sish pasayib borayotgan vaziyatda Markaziy Osiyo o‘rta istiqbolli strategiyalarni aniqlab olishi zarur.
Noaniqlik davrini boshdan kechiryapmiz. Lekin baribir shunday vaziyatda ham aniq faktlarga yuzlanish kerak. Markaziy Osiyo mintaqasi qayta tiklanyapti. Mintaqa koronavirusdan keyin tez oyoqqa turib oldi. 2022-yil boshidan inflyatsiya ko‘tarilishi muhim iqtisodiy xatarlarga olib keldi. Foiz stavkalari oshdi. Qolaversa, Ukrainadagi urush ancha to‘siqlar yaratdi. Shuning uchun, tashxislarimiz ko‘p yaxshi va’dalar bermayapti. Bu yil biz mintaqada davom etadigan iqtisodiy o‘sishni kutyapmiz. Eksport va import hajmi oshmoqda.Jihad Azurning qo‘shimcha qilishicha, Markaziy Osiyoda keyingi 5 yildagi iqtisodiy o‘sish oxirgi 7 yilga qaraganda kamroq bo‘ladi.Pul o‘tkazmalari va intellektual kapitalning kirib kelishi iqtisodiy holatni yaxshilamoqda. Shoklarni yengishga yordam beryapti. Keyingi bir necha yillar davomida qator muammo va to‘siqlar davom etadi. Jumladan, foizga bosim bo‘lib, savdo hajmi kamaymoqda. Global iqtisodiy o‘sish ham pasaymoqda.
Barcha xavflarni to‘g‘ri baholab, erishilgan pozitsiyalarni himoya qilib borish kerak. Birinchi navbatda inflyatsiya va past daromadli aholini himoya qilish lozim. Chunki oziq-ovqat narxining o‘sishi ularga kuchli ta’sir qiladi. Bu barcha mintaqadagi mamlakatlardan o‘rta istiqbolli strategiyalarni aniqlab olishni talab qiladi.
“Mintaqa tezroq iqtisodiy o‘sishga harakat qilishi lozim. Bizlarda bir necha tahdidli hududlar bor. Ular – yaqin sharq va yaqin Osiyo koridorlaridir. Xavflarni rivojlanayotgan davlatlar rivojlangan davlatlardan oldinroq va tez aniqlab, bartaraf etishga intilayotgani yaxshi yutuqlardan biri”, – dedi mutaxassis.
Avvalroq dunyoda narxlar va dollar kursi oshishi kutilayotgani xabar qilingandi.
Izoh (0)