Rossiya xalq artisti Filipp Kirkorov 1-noyabr kuni Toshkentdagi “Xalqlar do‘stligi” san’at saroyida konsert dasturini taqdim etdi. Xonanda konsert davomida hamkasbi Nargiz Zokirova haqida haqoratomuz fikrlar bildirdi. Ushbu holat aks etgan videolar ijtimoiy tarmoqlarda tarqalmoqda.
Filipp sahnadan turib Nargizga murojaat yo‘llagan.
“Sevishni bilmaydigan inson hech qachon sevgi haqida kuylay olmaydi, uning qo‘shig‘i o‘xshamaydi. Bechora, sochini qirdirsa ham, tanasiga rasmlar chizdirsa ham, qancha harakat qilmasin, uning ishi yurishmaydi. Ammo unga achinib ham bo‘lmaydi. U nimaga yulduz bo‘la olmayotganidan hayron. Sen oynada basharangni ko‘rganmisan? Aksingga qaraganmisan, tasqara?”, — deydi Kirkorov.
Videoda tomoshabinlar xonandaning ushbu so‘zlaridan norozi ohangda hushtak chalayotganini ko‘rish mumkin.
“Xalq konsertga pul to‘lab qo‘shiq eshitish uchun boradi, janjal muhokamasini tinglash uchun emas”, — deyiladi xabarda.
Avvalroq Nargiz Zokirova Instagram’dagi sahifasida Filipp Kirkorovning konsert berish uchun Toshkentga kelayotganidan xursand emasligini bildirgan edi.
Izoh (0)