Фарғона вилояти Қўқон шаҳрида темир сейфдан 13 миллион сўмлик тилла тақинчоқларни ўғирлаган шахс қўлга тушди. Бу ҳақда вилоят ички ишлар бошқармаси ахборот хизмати хабар берди.
Қайд этилишича, М.М. исмли аёл ИИБга мурожаат қилиб, унда 7 сентябрдан 23 октябргача бўлган вақт оралиғида номаълум шахс яшаш хонадонига ғайриқонуний равишда кириб, хонадон ётоқхонасидаги темир сейфдан умумий нархи 13 миллион сўмлик тилла-тақинчоқларини яширин равишда ўғирлаб, ҳодиса жойидан яширинганини билдирган.
Мазкур ҳолат юзасидан Қўқон шаҳри ИИО ФМБ ҳузуридаги тергов бўлими томонидан жиноят кодексининг 169-моддаси 2-қисми «г» банди (ўғирлик) билан жиноят иши қўзғатилган. Олиб борилган тезкор-суриштирув ишлари давомида ушбу жиноятни I.О. исмли аёл содир этгани аниқланиб, тергов ҳаракатлари олиб борилмоқда.
Изоҳ (0)