Bugun,

  • USD 11095.31
  • RUB 173.84
  • EUR 10772.44

Prezident matbuot kotibi Sherzod Asadov ishtirokida o‘tkazilgan brifingda Shavkat Mirziyoyevning joriy haftadagi ish grafiki haqida ma‘lumot berildi. Bu haqda “Daryo” muxbiri xabar berdi.

Bugun, 31-oktyabr kuni ertalab prezidentga Qishloq xo‘jaligi vaziri Aziz Voitov qishloq xo‘jaligi mahsulotlarini yetishtirish va bu borada issiqxonalar faoliyatini qo‘llab quvvatlash masalasida hisobot bergan.

“Kunning ikkinchi yarmida hudud va tarmoqlarda energiya tejamkorligini ta’minlash chora-tadbirlari yuzasidan soha mutasaddi rahbarlari ishtirokida taqdimot rejalashtirilgan. Shuningdek, mazkur hafta davomida iqtisodiyot tarmoqlariga berilayotgan imtiyozlar samaradorligini o‘rganish natijalari yuzasidan muhokama, mahalliy sanoatni yanada rivojlantirish borasida mavjud imkoniyatlar va yangi zaxiralarni safarbar etish yuzasidan kengaytirilgan majlis va odil sudlovni ta’minlash hamda sud islohotlarini yanada takomillashtirish borasidagi ustuvor vazifalar yuzasidan taqdimotlar o‘tkazish ko‘zda tutilgan”, — deydi Sherzod Asadov.

Prezident matbuot kotibining aytishicha, boshlangan hafta tashqi siyosiy masalalarda ham qator tadbirlar bor.

“1-noyabr kuni Prezidentimiz Germaniya tashqi ishlar vaziri Annalena Berbok boshchiligidagi delegatsiyani qabul qiladilar. Uchrashuvda ikki tomonlama munosabatlar istiqboli, savdo-iqtisodiy yo‘nalishlardagi hamkorlik muhokama qilinadi va mintaqaviy masalalar yuzasidan fikr almashiladi. 3-noyabr kuni esa, Davlat rahbarining BAA hukumat ishlari bo‘yicha vaziri Muhammad bin Abdulloh al-Gargaviy bilan uchrashuvlari rejalashtirilgan”, — deydi Asadov.

Izoh
Asosiy yangiliklar
Kino
Filmdagi roli sabab kompyuter grafikasi yordamida “yoshartirilgan” aktyorlar (foto) 
Dunyo
Boeing va Airbus’ga raqib: Xitoyning C919 yo‘lovchi samolyoti ilk parvozni muvaffaqiyatli amalga oshirdi
Mahalliy
Andijonda 20 yoshli yigit kanalga tushib ketgan qizni qutqaraman deb o‘zi cho‘kib ketdi