Футбол бўйича Испания Ла Лигасининг 12-турида «Реал» 30 октябрь, якшанба куни «Жирона»га қарши баҳс олиб борди.
Учрашувнинг биринчи бўлимида ҳисоб очилмади. Ўйиндаги дастлабки гол 70-дақиқага келиб урилди: Федерико Вальверденинг узатмасини Винисиус Жуниор гол билан якунлади.
80-дақиқада меҳмонлар пенальтидан ҳисобни тенглаштирди, Кристиан Стуани мўлжалда адашмади. Қўшиб берилган вақтда Тони Крооснинг четлатилишидан кейин «Реал» бир ўйинчи кам бўлиб қолди. Шу тариқа 1:1 ҳисоби ўйин сўнгига қадар ўзгармади.
«Реал» 32 очко билан пешқадам бўлиб турибди. «Жирона» очколарини 10 тага етказиб олган ҳолда 16-поғонага кўтарилди.
Ла Лига
12-тур баҳси
30 октябрь, якшанба
«Реал Мадрид» — «Жирина» 1:1
Голлар: 1:0 – 70 Винисиус Жуниор, 1:1 – 80, пенальти Стуани.«Реал Мадрид»: Куртуа, Карвахаль, Алаба, Рюдигер, Менди (Милитао, 87), Модрич, Кроос, Камавинга (Асенсио, 61), Вальверде (Мариано Диас, 86), Винисиус Жуниор, Родриго.
«Жирона»: Гассанига, Ян Коуто (Рикельме, 58), Мартинес, Давид Лопес, Буэно, Мигел Гутеррес (Хави, 63), Фернандес (Тони Вилья, 76), Ромеу, Алеиш Гарсия, Эррера (Рейнер, 76), Кастелянос (Стуани, 76).
Огоҳлантиришлар: Давид Лопес (51), Кроос (55), Гассанига (59), Модрич (75), Мартинес (90+5).
Четлатиш: Кроос (90).
Изоҳ (0)