“Apelsin” banki “Uzum” kompaniyalari guruhiga qo‘shilib, o‘z nomini o‘zgartiradi

“Aplesin” banki “Uzum” kompaniyalari guruhiga qo‘shilib, dekabr oyida o‘z rasmiy nomini o‘zgartiradi. Bu haqda “Daryo”ga kompaniya matbuot xizmati xabar berdi.  

Uzum ekotizimining boshqa mahsulotlari, masalan, marketpleys va bo‘lib to‘lash xizmati bilan integratsiyalashuv bizga shaxsning karta yoki kredit olish uchun ariza topshirishi hamda bir ilovada tovarlar sotib olishi mumkin bo‘lgan to‘liq huquqli foydalanuvchi ssenariysini yaratish imkonini beradi, — deydi “Apelsin” banki boshqaruv raisi Sergey Gimadiyev.  

Yangi xizmatlarning paydo bo‘lishi bilan bir qatorda “Apelsin” ilovasining interfeysi ham o‘zgaradi — “to‘q sariq” rangdan  binafsha rangiga.

“Bank Apelsin” nomi ham o‘zgartiriladi. Ko‘rib chiqilayotgan variantlardan biri —“Uzum bank”.

Avvalroq “Savdogarbank” o‘z nomini “Garant Bank”ka o‘zgartirishga qaror qilgan edi.