Amerikaning Ford Motor kompaniyasi Rossiyaning Sollers guruhi (Sollers Ford) bilan qo‘shma korxonadan chiqishni yakunladi va uning 49 foiz ulushini sotdi. Bu haqda “Kommersant” xabar bermoqda.
Shunday qilib, kompaniya Rossiya bozorini butunlay tark etdi. Ford Motor matbuot xizmatiga ko‘ra, qo‘shma korxona ulushini sotish mart oyida Rossiyadagi barcha operatsiyalar, jumladan ishlab chiqarish, ehtiyot qismlar yetkazib berish, IT va muhandislik yordami to‘liq to‘xtatilganidan keyin sodir bo‘ldi.
Ford aksiyalari nominal qiymati bo‘yicha Rossiya kompaniyasiga o‘tkaziladi. Kompaniyaning ta’kidlashicha, Ford agar dunyodagi vaziyat o‘zgarsa besh yil ichida aksiyalarni qaytarib sotib olish huquqini o‘zida saqlab qoladi.
Sollers Ford Sankt-Peterburg yaqinidagi “Vsevolojsk”dagi va Tataristondagi ikkita zavodni nazorat qiladi.
Avvalroq Mercedes-Benz Rossiyani tark etishi haqida xabar berilgan edi.
Izoh (0)