Ўзбекистонда энг кўп уюшмаган савдо амалга оширилган ҳудудлар маълум қилинди

Давлат статистика қўмитаси 2022 йил январь—сентябрь ойлари бўйича уюшмаган савдо айланмаси ҳажмини эълон қилди.

Республика бўйича уюшмаган савдо айланмаси 17,8 трлн сўм, яъни 2021 йилнинг январь—сентябр ойларига нисбатан 13,3 фоизга ўсган.

Таркибий қисмлари 45,2 фоиз деҳқон бозорлари ва 54,8 фоиз чорва бозорлари ҳиссасига тўғри келди.

Энг юқори улушга эга ҳудудлар Сурхондарё (11,1 фоиз), Андижон (10,9 фоиз) ва Наманган (10,6 фоиз) ҳисобланади.

Шу жумладан, деҳқон бозорларида савдо фаолияти билан шуғулланувчи жисмоний шахсларнинг уй хўжаликларида етиштирган маҳсулотларини сотиш ҳажми 8 млрд сўмни ташкил этган.

Бунда асосий йирик ҳажм янги узилган қишлоқ хўжалиги маҳсулотлари савдосига (3,7 млрд сўм) тўғри келди.

Чорва моллари ва паррандалар сотувчи жисмоний шахсларнинг савдо айланмаси ҳажми 9,7 млрд сўмни ташкил этган.

Бунда ҳар хил ёшдаги қорамоллар савдоси 7,6 млрд сўмни, қўй ва эчкилар 1,6 млрд сўмни, отлар 340 млрд сўмни, паррандалар 49,7 млрд сўмни ташкил этган.