Xitoyda biznes bilan shug‘ullanuvchi eng boy millarderlar Si Szinpin hukumat ustidan nazoratni kuchaytirganidan so‘ng bozor inqirozi tufayli 9 milliard dollardan ko‘proq yo‘qotdi. Bu haqda Bloomberg xabar bermoqda.
Tencent Holdings kompaniyasidan Pony Ma va mamlakatning eng boy odami Chjung Shanshan dushanba kuni Kommunistik partiya rahbariyatidagi o‘zgarishlardan so‘ng o‘z kompaniyalari aksiyalari tushib ketgani sababli 2 milliard dollardan ortiq yo‘qotdi.
Si o‘zining eng yaqin ittifoqchilarini rahbarlikka qo‘ygani Xitoyning boylik va xususiy biznesga qarshi tazyiqlari davom etishiga nisbatan xavotir uyg‘otadi.
Gonkongda ro‘yxatga olingan mamlakat aksiyalarini kuzatuvchi indeks 1994-yilda tashkil etilganidan beri Kommunistik partiyaning har qanday qurultoyidan ko‘ra ko‘proq tushib ketdi.
Dunyoning 500 ta eng boy odami orasida o‘tgan yil oxirida boyligi 1,1 trillion dollarni tashkil etgan 79 ta xitoylik magnat bor edi. Joriy yilda esa bu ro‘yxatda 76 nafar xitoylik milliarder bor. Ularning boyligi o‘tgan yilga nisbatan keskin pasayib 783 milliard dollarni tashkil etgan.
Izoh (0)