Ukrainalik milliarderlar Rinat Axmetov va Vadim Novinskiyga tegishli “Metinvest” guruhi Rossiya ustidan Inson huquqlari bo‘yicha Yevropa sudiga da’vo arizasi bilan murojaat qildi. Bu haqda “Kommersant” xabar bermoqda.
Da’vogarning so‘zlariga ko‘ra, harbiy amaliyotlar davomida Rossiya Mariupol va Ukrainaning boshqa hududlarida xolding mulkiga zarar yetkazgan.
Kompaniyaning ta’kidlashicha, yana o‘nta “Metinvest” korxonasi qo‘shimcha ravishda Rossiyaga qarshi sudga da’vo qiladi.
Rinat Axmetov Ukrainaning eng boy odami va Donetskning “Shaxtyor” futbol klubi prezidenti hisoblanadi. U Rossiya va Ukraina o‘rtasida urush boshlanganidan beri boyligini yarmidan ko‘pini yo‘qotgan.
Axmetov yil boshidan beri metallurgiya, energetika, qishloq xo‘jaligi va ommaviy axborot vositalarining bir qismisiz qoldi.
Izoh (0)