O‘zbekistonda ayrim oilalar vazirliklar bazalarida ehtiyojmand sifatida ko‘rsatilgan bo‘lsa-da, aslida ehtiyojmand emas. Bu haqda moliya vaziri Timur Ishmetov bugun (25-oktabr) bo‘lib o‘tayotgan Oliy Majlis Qonunchilik palatasining navbatdagi yalpi majlisida ma’lum qildi.
Timur Ishmetovning ta’kidlashicha, aholini ijtimoiy himoya qilish tizimida yutuqlar bilan birga, bir qator kamchiliklar ham ko‘zga tashlanmoqda.
Oxirgi 3 yilda ehtiyojmand aholini nafaqalar bilan ta’minlash qamrovi keskin oshdi. Xususan, 2019-yilda 600 mingga yaqin oilalar davlatdan nafaqalar olayotgan bo‘lsa, hozirda bunday oilalar soni 2 milliondan oshdi. Bu O‘zbekistondagi oilalarning 25-26 foizi degani. Maqsadimiz “Ijtimoiy himoya yagona reyestr”ini har yili takomillashtirib borishdan iborat. To‘g‘ri, qamrov kengaydi, lekin haqiqatan har bir ehtiyojmand oila qamrab olindimi yo‘qmi, ya’ni shu reyestrga kirishi kerak bo‘lgan oilalar kirdimi yoki o‘rniga boshqasi kirib qolgani ham bormi? Albatta, sifat bo‘yicha hali ko‘p ishlashimiz kerak.Yig‘ilishda ma’lum qilinishicha, joriy yil boshidan beri respublikadagi 463 ta mahallada aholini kasb-hunarga o‘qitish maskanlari tashkil etildi. Davlat hisobidan 100 ming 400 nafar fuqaro kasb-hunarga o‘qitish kurslariga, 8 ming 800 kishi nodavlat ta’lim muassasalariga o‘qishga jalb qilingan.Hokim yordamchilari va ayollar faollari xonadonma-xonadon yurib, xatlovlar o‘tkazdi. Ya’ni nafaqa olayotganlar haqiqatdan ham kam ta’minlangani yoki yo‘qligi borasida qo‘shimcha ma’lumotlar yig‘yapmiz. Amaliyotda ko‘rinmoqdaki, mezonlarni qat’iylashtirishimiz kerak. 20 dan ortiq vazirliklar bazalaridan yig‘ilgan ma’lumotlarga asosan, ehtiyojmand deb ko‘rilayotgan oilalarning ayrimlari ehtiyojmand emas bo‘lib chiqyapti. Yoki aksincha, ayrim ehtiyojmand oilalarni qamrab olish yetarli bo‘lmayapti. Bu bo‘yicha ishlashimiz lozim.
Timur Ishmetov, moliya vaziri.
Izoh (1)
To‘g‘ri