Ўзбекистонда айрим оилалар вазирликлар базаларида эҳтиёжманд сифатида кўрсатилган бўлса-да, аслида эҳтиёжманд эмас. Бу ҳақда молия вазири Тимур Ишметов бугун (25 октябрь) бўлиб ўтаётган Олий Мажлис Қонунчилик палатасининг навбатдаги ялпи мажлисида маълум қилди.
Тимур Ишметовнинг таъкидлашича, аҳолини ижтимоий ҳимоя қилиш тизимида ютуқлар билан бирга, бир қатор камчиликлар ҳам кўзга ташланмоқда.
Охирги 3 йилда эҳтиёжманд аҳолини нафақалар билан таъминлаш қамрови кескин ошди. Хусусан, 2019 йилда 600 мингга яқин оилалар давлатдан нафақалар олаётган бўлса, ҳозирда бундай оилалар сони 2 миллиондан ошди. Бу Ўзбекистондаги оилаларнинг 25-26 фоизи дегани. Мақсадимиз «Ижтимоий ҳимоя ягона реестр»ини ҳар йили такомиллаштириб боришдан иборат. Тўғри, қамров кенгайди, лекин ҳақиқатан ҳар бир эҳтиёжманд оила қамраб олиндими йўқми, яъни шу реестрга кириши керак бўлган оилалар кирдими ёки ўрнига бошқаси кириб қолгани ҳам борми? Албатта, сифат бўйича ҳали кўп ишлашимиз керак.Йиғилишда маълум қилинишича, жорий йил бошидан бери республикадаги 463 та маҳаллада аҳолини касб-ҳунарга ўқитиш масканлари ташкил этилди. Давлат ҳисобидан 100 минг 400 нафар фуқаро касб-ҳунарга ўқитиш курсларига, 8 минг 800 киши нодавлат таълим муассасаларига ўқишга жалб қилинган.Ҳоким ёрдамчилари ва аёллар фаоллари хонадонма-хонадон юриб, хатловлар ўтказди. Яъни нафақа олаётганлар ҳақиқатдан ҳам кам таъминлангани ёки йўқлиги борасида қўшимча маълумотлар йиғяпмиз. Амалиётда кўринмоқдаки, мезонларни қатъийлаштиришимиз керак. 20 дан ортиқ вазирликлар базаларидан йиғилган маълумотларга асосан, эҳтиёжманд деб кўрилаётган оилаларнинг айримлари эҳтиёжманд эмас бўлиб чиқяпти. Ёки аксинча, айрим эҳтиёжманд оилаларни қамраб олиш етарли бўлмаяпти. Бу бўйича ишлашимиз лозим.
Тимур Ишметов, молия вазири.
Изоҳ (1)
To‘g‘ri