Farg‘ona viloyati Rishton tumanida fuqaroning bank kartasidan 8 million so‘m o‘g‘irlandi. Bu haqda Ichki ishlar vazirligi Kiberxavfsizlik markazi xabar berdi.
Qayd etilishicha, Rishton tumanida yashovchi fuqaro Q.M. ariza bilan murojaat qilib, noma’lum shaxs unga tegishli bo‘lgan bank kartasidan Click Evolution mobil ilovasi orqali 8 million so‘m pul mablag‘ini yechib olganini bildirib, qonuniy chora ko‘rishni so‘ragan.
Tezkor-qidiruv tadbirlari natijasida pullarni o‘zlashtirgan shaxs Farg‘ona viloyati Quva tumanida yashovchi 1990-yilda tug‘ilgan S.J. ekani aniqlangan. U Beeline uyali aloqa kompaniyasidan yangi raqam rasmiylashtirib olib, uni Click Evolution mobil ilovasidan ro‘yxatdan o‘tkazganida begona bank kartasi SMS-xarabnomasi va boshqaruvi mavjudligidan foydalanib, ushbu jinoyatni amalga oshirgani ma’lum bo‘ldi.
S.J.ga nisbatan Jinoyat kodeksining 169-moddasi (o‘g‘rilik) 3-qismi bilan jinoyat ishi qo‘zg‘atilib, tergov harakatlari olib borilmoqda.
Izoh (0)