«Яшил макон» лойиҳаси доирасида аслида экилмаган 6,2 миллион дона кўчат ҳисоботларга қўшиб ёзилган. Бу ҳақда Сенатда бўлиб ўтган лойиҳа бўйича бажарилаётган ишларга оид мажлисда маълум қилинган.
Сенат ахборот хизмати хабарига кўра, «Яшил макон» доирасида жорий йил баҳорида дарахт кўчатларини экиш ишларида бир қатор камчиликларга йўл қўйилган.
Дарахт экиш ишларини тизимли ташкил этмасдан, суғориш ва парваришлаш учун тегишли масъуллар бириктирилмаган. Ҳақиқатда экилмаган 6,2 миллион дона кўчат ҳисоботларга қўшиб ёзилган, 3,4 миллион дона кўчат суғориш тизими бўлмаган жойларга экилган. Шунингдек, 2,4 миллион дона кўчат сувсизлик ва етарли парвариш бўлмаганлиги сабабли баҳор тугамасдан қуриб нобуд бўлган. Ернинг табиий иқлим хусусиятларини инобатга олмаган ҳолда 341 минг дона кўчат яроқсиз ерларга экилган.Йиғилишда Сенат раиси Танзила Норбоева «Ташаббусли бюджет» лойиҳаси натижаларига тўхталиб ўтган
Жорий йил иккинчи ярмида «Ташаббусли бюджет» лойиҳасида 9 минг 201 та (98 фоиз) маҳалла иштирок этган. Овоз бериш якунларига кўра, 1 минг 221 та маҳалладаги 1 минг 418 та лойиҳа ғолиб деб топилиб, улар учун жами 1 триллион сўм маблағ ўтказиб берилган.Қўшимча қилинишича, давлат бюджетидан 342 та маҳалладаги 2 мингдан ортиқ овоз тўплаган, лекин ғолиб бўлмаган 364 та лойиҳа учун қўшимча 335 миллиард сўм маблуғ ажратилади.
Эслатиб ўтамиз, «Яшил макон» умуммиллий лойиҳаси 2021 йилнинг кузида республика бўйлаб татбиқ этила бошланган. Лойиҳа доирасида ҳудудларда ҳар йили камида 200 миллион туп дарахт кўчатлари экилиши белгиланган.
Масъулларга «Яшил макон» доирасида 2022 йил якунигача 75 миллион дона ва 2023 йил баҳор ойларида яна 125 миллион дона мевали ва манзарали кўчатлар экиш вазифаси қўйилган.
Изоҳ (1)
Шуларни касофатига эккан кўчатларимиз сотилмай қолиб кетяпти.