O‘zbekiston elchixonasi tomonidan Isroilda vaqtinchalik ishlayotgan fuqarolar bilan muloqotni yo‘lga qo‘yish bo‘yicha tizimli ishlar amalga oshirilmoqda, deb xabar qilmoqda “Dunyo” axborot agentligi.
Qayd etilishicha, hozirga kunda Isroilda 9 mingdan ortiq O‘zbekiston fuqarolari vaqtincha ishlamoqda. Ularning aksariyati nogironlar va keksalar parvarishi bilan band.
Diplomatiya missiyasi har oyda o‘zbekistonliklar yashaydigan shahar va tumanlarda sayyor uchrashuvlar o‘tkazmoqda. Tadbirlarda fuqarolarga konstitutsiyaga o‘zgartishlar kiritish bilan bog‘liq islohotlar haqida ma’lumot beril,oqda.
Joriy yil iyul oyida ikki davlat hukumatlari o‘rtasida Isroil mehnat bozorining maxsus sektorlarida O‘zbekistondan ishchilarni vaqtincha ishga joylashtirish bo‘yicha bitim imzolangandi. Bu hujjat o‘zbekistonliklarni uyushgan holda ishga jalb qilish tizimiga asos soldi.
Izoh (0)