“Liverpul” Angliya Premyer Ligasining 11-turida “Manchester Siti”ni mag‘lubiyatga uchratdi (1:0).
“Shaharliklar” qatorasiga beshta o‘yindan beri “Liverpul”ni yenga olmayapti. “Qizillar” ketma-ket uchta o‘yinda g‘alaba qozondi, ungacha ikkita durang qayd etilgandi.
So‘nggi bor “Manchester Siti” mersisaydliklarni 2021-yilning 7-fevralida 4:1 hisobida mag‘lub etgandi.
Yurgen Klopp Gvardiolani eng ko‘p mag‘lub etgan murabbiy bo‘lib qolmoqda. Murabbiylar bu o‘yin bilan hisoblaganda 26 marta o‘zaro to‘qnash kelgan. Ularning 12 tasida nemisning qo‘li baland kelgan bo‘lsa, 9 tasida kataloniyalik murabbiy g‘alaba qozongan.
Hech qaysi murabbiy Pepni bu qadar ko‘p mag‘lub eta olmagan. O‘z navbatida Klopp hech qaysi mutaxassisga 9 marta yutqazmagan.
Jamoalarning APL ikkinchi davrasidagi o‘yini 1-aprelda o‘tkaziladi.
Izoh (0)