Ilon Mask Rossiya va Ukraina o‘rtasidagi tinchlik shartlarini Twitter’da yozishdan oldin Vladimir Putin bilan gaplashgan bo‘lishi mumkin, deb yozadi Meduza.
Bu haqda milliarder bilan suhbatga ishora qilgan amerikalik siyosatshunos Yan Bremmer ma’lum qildi. Bremmer Mask bilan suhbat mazmunini o‘zining Eurasia Group konsalting kompaniyasi obunachilariga yuborilgan pochta ro‘yxatida keltirgan.
Ilon Mask Bremmerga Putin “muzokaralarga tayyor”ligini, biroq buning uchun Qrim Rossiyaniki bo‘lib qolsa, Ukraina neytral bo‘lib, DXR, LXR, Xerson va Zaporojye viloyatlarining anneksiya qilinishini tan olishi kerakligini aytgan.
Bremmerning so‘zlariga ko‘ra, Putin “nima bo‘lishidan qat’i nazar” bu maqsadlarga erishilishini haqida Maskka aytib bergan. U, shuningdek, agar Ukraina anneksiya qilingan Qrimga bostirib kirsa, yadroviy zarba berilishi mumkinligini ham eslatib o‘tgan. Mask Bremmerga “bunday natijaga yo‘l qo‘ymaslik uchun nima kerak bo‘lsa, barchasini qilish kerakligini” aytgan.
Keyinroq Ilon Mask o‘z Twitter sahifasi orqali tarqalgan xabarlarni rad etdi.
“Yo‘q, unday bo‘lmadi. Men Putin bilan faqat bir marta gaplashganman va bu taxminan 18 oy oldin edi. Mavzu kosmos haqida bo‘lgan”.
Mavzuga doir: Ilon Mask Ukrainadagi urush qay holatda yakun topishi mumkinligini taxmin qildi
Izoh (0)