Rossiya Mudofaa vazirligi Ukraina bilan urushga mahbuslarni ham jalb qilishni boshladi. Ulardan “Shtorm” maxsus otryadi tuzilmoqda, uning tarkibiga huquqni muhofaza qilish organlarining mahkum xodimlari kiradi, deb xabar beradi Meduza.
Sentabr oxiridan boshlab Rossiya Mudofaa vazirligi “qizil” koloniyalardagi mahbuslarni Ukrainadagi “maxsus operatsiya”da ishtirok etish uchun jalb qilmoqda, u yerda huquqni muhofaza qilish idoralarining sobiq xodimlari jazoni o‘tab kelayotgan edi. Bu haqda manba suhbatdoshlariga Ryazan viloyatidagi IK-3 “Skopin” va Stavropol o‘lkasidagi IK-4 “Aleksandriyskaya” mahbuslarining qarindoshlari ma’lum qilishdi.
IK-4 da bo‘lgan erkakning qarindoshi akasining so‘zlariga tayanib, vazirlik vakillari mahbuslarga “Shtorm” batalyoniga qo‘shilishni taklif qilganini aytdi. Mudofaa vazirligi mahbuslarni “Vagner” guruhi vakillari bilan deyarli bir vaqtning o‘zida ishga olgan — har ikkala tuzilma vakillari mos ravishda 27-28-sentabr kunlari koloniyaga kelgan. Nashr suhbatdoshining qayd etishicha, “Shtorm”ga ilk chaqirilganlar 11-oktabrga o‘tar kechasi IK-4 dan olib chiqilgan.
Ryazan IK-3 qamoqxonasida jazo o‘tayotgan mahkumning otasi nashrga vazirlik vakillari sentabr oyi oxirida koloniyaga tashrif buyurganini, ular olti oylik shartnoma va pul taklif qilganini aytdi. Unga ko‘ra, koloniyadan 60 kishi tanlab olingan va ular afv etish to‘g‘risida ariza yozib, oshkor etmaslik shartiga ko‘ra shartnoma imzolagan.
Mavzuga doir: Ukrainadagi urushga Rossiya tergov izolyatorlaridagi mahbuslar yollanayotgani ma’lum qilindi
Izoh (0)