Respublika Gidrometeorologiya markazi O‘zbekiston bo‘yicha 10—14-oktabrga ob-havo prognozini e’lon qildi.
Unga ko‘ra, 10-oktabr, dushanba kuni O‘zbekiston hududi bo‘yicha ob-havoni antisiklon periferiyasi belgilaydi. Respublika shimolida va cho‘l hududlarida ba’zi joylarda shamol 15-18 metr/sekundgacha kuchayishi, ayrim joylarda chang-to‘zonlar kuzatilishi mumkun.
Respublika bo‘yicha yog‘ingarchilik kutilmaydi. Kunduzi havo harorati 23-25 darajadan oshmaydi.
Keyingi kunlarda ish haftasining oxirigacha antisiklon periferiyasi kuchsizlanishi kutilmoqda. Respublika bo‘yicha qulay, quruq va iliq ob-havo sharoiti bo‘lishi kutilmoqda. Kechalari havo 7-10 daraja atrofida salqin bo‘ladi, kunduz kunlari esa 25-28 darajagacha asta-sekin isiydi. Bu o‘rtacha iqlimiy me’yorlardan biroz yuqoridir.
Mavzuga doir: O‘zbekistonda oktabr oyi harorati me’yordan yuqori bo‘lishi prognoz qilinmoqda
Izoh (0)