Madridning “Real” jamoasi La Liga 8-turi doirasida “Xetafe”ga qarshi kechgan bahsda 1:0 hisobida g‘alaba qozondi.
Karlo Anchelotti qo‘l ostidagi jamoa chempionat startidagi 8 turda 7 g‘alaba va bitta durang qayd etdi. Bu jamoa uchun 1991/92-yilgi mavsumdan keyingi eng yaxshi start hisoblanadi. O‘shanda ham Madrid jamoasi dastlabki 8 o‘yindan keyin 7 g‘alaba va bir durangga erishgandi.
“Real” barcha musobaqalardagi mag‘lubiyatsiz seriyasini 12 ta o‘yinga yetkazdi. Unda “qaymoqranglilar” 11 g‘alaba va 1 durang qayd etgan.
Qayd etish kerak, “Real” La Liga joriy mavsumida ilk bor o‘z darvozasi daxlsizligini saqlab qoldi. “Xetafe”ga qarshi o‘yinda darvozani Andrey Lunin qo‘riqlagandi.
Izoh (0)