Farg‘ona viloyatida salkam 9 ming quti tamaki mahsulotlari yo‘q qilindi. Bu haqda viloyati bojxona boshqarmasi xabar berdi.
Farg‘ona viloyati bojxona boshqarmasi Kontrabandaga qarshi kurashish bo‘limi xodimlari tomonidan huquqni muhofaza qiluvchi boshqa organlar bilan hamkorlikda o‘tkazilgan tezkor tadbirlarda qonunbuzarlik ashyosi sifatida olib qo‘yilgan hamda sud qaroriga asosan yo‘q qilinishi belgilangan 8740 quti tamaki mahsulotlari keng jamoatchilik ishtirokida yoqib yuborildi.
Xorijda ishlab chiqarilgan mazkur tamaki mahsulotlarining sifati kafolatlanmagan hamda aksiz markalari va raqamli markirovka kodlari bilan qadoqlanmagan.
Ma’lumot uchun, Farg‘ona viloyati bojxona boshqarmasi tomonidan 9 oy davomida fosh qilingan 35 ta bojxona qonun buzilishi holatlarida 1,7 milliard so‘mdan ziyod bo‘lgan salkam 214 ming quti tamaki mahsulotlarining noqonuniy olib kirilishi va yashirin aylanmasiga chek qo‘yildi.
Izoh (0)