Фарғона вилоятида салкам 9 минг қути тамаки маҳсулотлари йўқ қилинди. Бу ҳақда вилояти божхона бошқармаси хабар берди.
Фарғона вилояти божхона бошқармаси Контрабандага қарши курашиш бўлими ходимлари томонидан ҳуқуқни муҳофаза қилувчи бошқа органлар билан ҳамкорликда ўтказилган тезкор тадбирларда қонунбузарлик ашёси сифатида олиб қўйилган ҳамда суд қарорига асосан йўқ қилиниши белгиланган 8740 қути тамаки маҳсулотлари кенг жамоатчилик иштирокида ёқиб юборилди.
Хорижда ишлаб чиқарилган мазкур тамаки маҳсулотларининг сифати кафолатланмаган ҳамда акциз маркалари ва рақамли маркировка кодлари билан қадоқланмаган.
Маълумот учун, Фарғона вилояти божхона бошқармаси томонидан 9 ой давомида фош қилинган 35 та божхона қонун бузилиши ҳолатларида 1,7 миллиард сўмдан зиёд бўлган салкам 214 минг қути тамаки маҳсулотларининг ноқонуний олиб кирилиши ва яширин айланмасига чек қўйилди.
Изоҳ (0)