Bugun,

  • USD 11095.31
  • RUB 173.84
  • EUR 10772.44

Sankt-Peterburgdan Toshkentga ko‘chib kelgan bloger vaqtinchalik boshpana yoki yangi uyi sifatida O‘zbekistonni tanlagan rossiyaliklarga o‘z yordamini taklif qildi.

“Endi O‘zbekistonga nafaqat IT-mutaxassislar, biznesmenlar va boshqa ziyolilar, balki adolatsiz urushga borishni istamaganlarning barchasi kelmoqda. Shu paytgacha vaziyatning yaxshilanishiga ishonib kelgan, tinch zamonda va erkin mamlakatda uyg‘onishiga umid qilganlarning barchasi. Odamlar qo‘rquv ichida”, — deb yozdi Mariya ismli bloger.

Mariya qayd etishicha, uni savollarga ko‘mib tashlashgan. “Vaqtinchalik boshpana yoki yangi uy sifatida O‘zbekistonni ko‘zlayotganlarning barchasiga imkon qadar yordam berishga tayyorman”, — deya bloger nima uchun aynan O‘zbekistonni tanlash kerakligi sabablarini keltirib o‘tdi. Ular orasida jadal rivojlanayotgan iqtisodiyot, iliq iqlim, rossiyaliklar uchun vizalar yo‘qligi va legalizatsiya uchun maksimal darajada qulay shartlar, rus tilida so‘zlashuvchi jamiyat, mehmondo‘st odamlar, taomlar, ichki turizm uchun ulkan imkoniyatlar tilga olindi.

Blog haqidagi ma’lumotda aytilishicha, u O‘zbekistondagi hayot, relokatsiya, mentalitet va madaniy o‘ziga xosliklar haqida hikoya qiladi. “Madaniyat vazirligi bilan hamkorlik olib boraman. Mamlakat bo‘ylab sayohat qilaman va uning saxiyligidan hayratga tushishdan charchamayman”, — deyiladi unda.

Eslatib o‘tamiz, Rossiyada 21-sentabr kuni safarbarlik e’lon qilinganidan keyin Gruziya, Qozog‘iston, Finlyandiya bilan chegaralarda harbiy xizmatga chaqirilishdan xavfsirab, mamlakatni tark etayotgan rossiyaliklardan iborat katta navbatlar va avtomobil tirbandliklari yuzaga keldi. Juda ko‘p sonli rossiyaliklar O‘zbekiston hududiga ham o‘tdi.

Avvalroq O‘zbekiston Tashqi ishlar vazirligi so‘nggi vaqtlarda fuqarolardan Ukraina atrofidagi vaziyat bo‘yicha murojaatlar ko‘paygani munosabati bilan ayrim masalalarga oydinlik kiritgan edi. O‘zbekiston o‘zining tashqi siyosatini amalga oshirishda milliy manfaatlarga, asosiy tamoyillar sanaluvchi, jumladan, ochiqlik, teng huquqlilik, suverenitet, hududiy yaxlitlikni hurmat qilish, boshqa davlatlarning ichki ishlariga aralashmaslik kabi ustuvorliklarga doimo sodiqligi aytildi.

“O‘zbekiston Respublikasi hududiga kelayotgan Rossiya Federatsiyasi fuqarolari sonining ko‘payishiga to‘xtaladigan bo‘lsak, ularning mamlakatimizda bo‘lish masalasi, shuningdek, ehtimoliy ekstraditsiya qilinishi O‘zbekiston qonunchiligi, ikki tomonlama va ko‘p tomonlama huquqiy hujjatlar asosida tartibga solinishini qayd etamiz.

Shu bilan birga, huquqbuzarlik sodir qilmagan xorijiy davlat fuqarolari majburiy deportatsiya qilib yuborilmaydi”, — deyiladi vazirlik xabarida.

Izoh
Asosiy yangiliklar
Madaniyat
“Xudodan qo‘rqmagan odamdan qo‘rqdim”. O‘zbekiston xalq artisti Bobomurod Hamdamov oilaviy nizolar tufayli ijara uyda yashamoqda (video)
Mahalliy
“Odamlar o‘limida o‘zimni aybdor hisoblamayman” — Nukusdagi tartibsizliklar yetakchisi Dauletmurat Tajimuratov
Mahalliy
Samarqandda o‘quvchining onasi “zamdirektor”ni kaltakladi