Toshkent shahri Yakkasaroy tumanida tadbirkorning 1 500 dollarini qo‘lga kiritmoqchi bo‘lgan yuriskonsult ushlandi, deb xabar beradi Iqtisodiy jinoyatlarga qarshi kurashish departamenti.
Qayd etilishicha, Bosh prokuratura huzuridagi departament hamda DXXning Yakkasaroy tumani bo‘limlari tomonidan tadbirkorlik subyektlarining huquqlarini himoya qilish yuzasidan tezkor tadbir o‘tkazilgan. Unda Yakkasaroy tuman hokimligining bosh yuriskonsulti B.N. B.S. MCHJ tomonidan ochilgan do‘konning egalik huquqini bekor qilish yuzasidan sudlar tomonidan ko‘rilayotgan apellyatsiya ishini yuqori lavozimlarda ishlovchi tanishlari orqali uning foydasiga hal qilib berishni 1 500 AQSH dollariga kelishgani aniqlangan.
U shundan 500 dollarini ishni boshlash bahonasida qo‘lga kiritib, qolgan 1 000 dollarini olgan vaqtida ashyoviy dalillar bilan ushlangan.
Mazkur holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilgan. Hozirda tergov harakatlari o‘tkazilmoqda.
Izoh (0)